ಪಾಕ್ ವೇಗಿ ಶೊಯೇಬ್ ಅಖ್ತರ್ ಗೆ ಟೀಂ ಇಂಡಿಯಾ ಬೌಲಿಂಗ್ ಕೋಚ್ ಆಗುವ ಬಯಕೆಯಂತೆ!
ಮಂಗಳವಾರ, 5 ಮೇ 2020 (11:32 IST)
ಇಸ್ಲಾಮಾಬಾದ್: ಪಾಕಿಸ್ತಾನದ ಮಾಜಿ ವೇಗಿ ಶೊಯೇಬ್ ಅಖ್ತರ್ ಗೆ ಟೀಂ ಇಂಡಿಯಾಗೆ ಬೌಲಿಂಗ್ ಕೋಚ್ ಆಗಬೇಕೆಂಬ ಮಹದಾಸೆಯಿದೆಯಂತೆ.
ಆಗಾಗ ಭಾರತೀಯ ಕ್ರಿಕೆಟ್, ಕ್ರಿಕೆಟಿಗರ ಬಗ್ಗೆ ವಿಮರ್ಶೆ ಮಾಡಿ ಮಾತನಾಡುವ ಶೊಯೇಬ್ ಅಖ್ತರ್ ಈಗ ಇಂತಹದ್ದೊಂದು ಆಸೆ ಹೊಂದಿದ್ದಾರಂತೆ. ಭಾರತ-ಪಾಕಿಸ್ತಾನ ನಡುವೆ ಕ್ರಿಕೆಟ್ ಅಷ್ಟಕಷ್ಟೇ. ಅದರ ನಡುವೆ ಅಖ್ತರ್ ಈ ಆಸೆ ನನಸಾಗುವುದು ಸುಲಭವಲ್ಲ ಬಿಡಿ!
ಹಾಗಿದ್ದರೂ ಒಂದು ವೇಳೆ ತನಗೇನಾದರೂ ಭಾರತೀಯ ಕ್ರಿಕೆಟ್ ತಂಡಕ್ಕೆ ಬೌಲಿಂಗ್ ಕೋಚ್ ಆಗುವ ಅವಕಾಶ ಸಿಕ್ಕರೆ ಪ್ರತಿಭಾವಂತರನ್ನು ಬೇಗನೇ ಗುರುತಿಸಿ ಅವರ ಸಾಮರ್ಥ್ಯ ಹೆಚ್ಚಿಸುವ ಕೆಲಸ ಮಾಡುವುದಾಗಿ ಅಖ್ತರ್ ಹೇಳಿಕೊಂಡಿದ್ದಾರೆ.
