ಎಸ್ ಪಿಬಿ ಹಾಡಿಗೆ ವಿಜಯ್ ಪ್ರಕಾಶ್ ಜತೆ ಅನಿಲ್ ಕುಂಬ್ಳೆ ಧ್ವನಿ!
ಭಾನುವಾರ, 18 ಅಕ್ಟೋಬರ್ 2020 (10:17 IST)
ಬೆಂಗಳೂರು: ಕ್ರಿಕೆಟ್ ದಿಗ್ಗಜ ಅನಿಲ್ ಕುಂಬ್ಳೆ ನಿನ್ನೆಯಷ್ಟೇ ಬರ್ತ್ ಡೇ ಆಚರಿಸಿಕೊಂಡಿದ್ದರು. ಈ ಹಿನ್ನಲೆಯಲ್ಲಿ ಅವರ ಗೆಳೆಯರಾಗಿರುವ ಗಾಯಕ ವಿಜಯ್ ಪ್ರಕಾಶ್ ಅಪರೂಪದ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ.
ಅನಿಲ್ ಕುಂಬ್ಳೆ ಜತೆಗೆ ಇತ್ತೀಚೆಗೆ ಕುಟುಂಬ ಸಮೇತ ಕೈಗೊಂಡಿದ್ದ ಪ್ರವಾಸದ ಸಂದರ್ಭದಲ್ಲಿ ತೆಗೆದಿದ್ದ ವಿಡಿಯೋವೊಂದನ್ನು ವಿಜಯ್ ಪ್ರಕಾಶ್ ಪ್ರಕಟಿಸಿದ್ದಾರೆ. ಇದರಲ್ಲಿ ವಿಜಯ್ ಪ್ರಕಾಶ್ ಜತೆಗೆ ಅನಿಲ್ ಕುಂಬ್ಳೆ ಎಸ್ ಪಿ ಬಾಲಸುಬ್ರಮಣ್ಯಂ ಅವರ ಸೂಪರ್ ಹಿಟ್ ಹಾಡು ‘ಮಾಮರವೆಲ್ಲೋ ಕೋಗಿಲೆಯೆಲ್ಲೋ’ ಹಾಡನ್ನು ಹಾಡಿದ್ದಾರೆ. ತಡವಾಗಿ ವಿಶ್ ಮಾಡುತ್ತಿರುವೆ. ಆದರೂ ನಮ್ಮ ಸ್ನೇಹ, ಸ್ನೇಹಿತ ಯಾವತ್ತೂ ಅಮರ ಎಂದು ವಿಜಯ್ ಪ್ರಕಾಶ್ ಬರೆದುಕೊಂಡಿದ್ದಾರೆ.
