ಕಿಚ್ಚ ಸುದೀಪ್ ಗೆ ‘ದಿ ವಿಲನ್’ನಂತಹಾ ಸಿನಿಮಾ ಇನ್ಮುಂದೆ ಮಾಡ್ಬೇಡಿ ಎಂದವರು ಯಾರು ಗೊತ್ತೇ?!
ಶುಕ್ರವಾರ, 7 ಡಿಸೆಂಬರ್ 2018 (08:55 IST)
ಬೆಂಗಳೂರು: ವಿಲನ್ ಸಿನಿಮಾ ಬಗ್ಗೆ ಹೈಪ್ ಕ್ರಿಯೇಟ್ ಆಗಿದ್ದು ನೋಡಿ ಜನ ಏನೋ ಇದೆ ಎಂದು ಕುತೂಹಲದಿಂದ ಥಿಯೇಟರ್ ಗೆ ಹೋದರೆ ನಿರೀಕ್ಷೆಗೆ ತಕ್ಕಂತೆ ಸಿನಿಮಾ ಇಲ್ಲ ಎಂದು ಬೇಸರಿಸಿದ್ದೇ ಜಾಸ್ತಿ.
ಇದೀಗ ವಿಲನ್ ಸಿನಿಮಾ 50 ದಿನಗಳನ್ನು ಪೂರೈಸಿದ ಹಿನ್ನಲೆಯಲ್ಲಿ ಕಿಚ್ಚ ಸುದೀಪ್ ತಮ್ಮ ಟ್ವಿಟರ್ ಪೇಜ್ ನಲ್ಲಿ ಅಭಿಮಾನಿಗಳಿಗೆ ಧನ್ಯವಾದ ಹೇಳಿದ್ದಾರೆ. ಈ ನಿಮ್ಮ ಅಭಿಮಾನಕ್ಕೆ ಧನ್ಯವಾದ. ಬೆಂಬಲಿಸಿದ ಎಲ್ಲರಿಗೂ ಧನ್ಯವಾದ ಎಂದೆಲ್ಲಾ ಬರೆದುಕೊಂಡಿದ್ದರು.
ಸುದೀಪ್ ಹೀಗೊಂದು ಟ್ವೀಟ್ ಮಾಡುತ್ತಿದ್ದಂತೇ ಅಭಿಮಾನಿಗಳು ಕಾಮೆಂಟ್ ಮಾಡಿದ್ದು, ಅಣ್ಣಾ ಇಂತಹ ಸಿನಿಮಾ ಇನ್ಮುಂದೆ ಮಾಡ್ಬೇಡಿ. ನಿರಾಸೆ ಮೂಡಿಸಿದ ಸಿನಿಮಾ. ಇದು 25 ದಿನವಾದರೂ ಪೂರ್ತಿಗೊಳಿಸಿದ್ದು ಹೇಗೆ ಎಂದೇ ಅಚ್ಚರಿಯಾಗುತ್ತಿದೆ ಎಂದೆಲ್ಲಾ ಪ್ರತಿಕ್ರಿಯಿಸಿದ್ದಾರೆ.
ಇನ್ನು ಕೆಲವರು ನಿಮ್ಮ, ಶಿವಣ್ಣನ ಅಭಿನಯಕ್ಕಾಗಿ ಈ ಸಿನಿಮಾ ನೋಡಬೇಕಷ್ಟೇ. ಬೇರೇನೂ ಇದರಲ್ಲಿ ಇಲ್ಲ ಎಂದು ಟೀಕಿಸಿದ್ದಾರೆ. ಅಂತೂ ಕಿಚ್ಚನ ಸಿನಿಮಾ ಅಭಿಮಾನಿಗಳಿಗೆ ಇಷ್ಟವಾಗಲಿಲ್ಲ ಎನ್ನುವುದೇನೋ ನಿಜ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ
