ಜೋರಾಗಿ ಬೈದರೆ ಊಟ-ತಿಂಡಿ ಬಿಡುವುದು ಹೀಗೆ ಮೊಬೈಲ್ ಗೇಮ್‌ಗಳ ಹುಚ್ಚು ಹಿಡಿದು ಪೋಷಕರಿಗೆ ಅವರನ್ನು ಹತೋಟಿಯಲ್ಲಿಡುವುದು ತುಂಬಾ ಕಷ್ಟವಾಗಿ ಹೋಗಿದೆ. ಹೀಗಿರುವಾಗ ಪಬ್ಜೀ ಗೇಮ್ ಹೇಳತೀರದು, ಆಡುವಾಗ ಯಾರಾದರೂ ಕರೆದರೆ ಕೇಳಿಸಿಕೊಳ್ಳುವುದೇ ಇಲ್ಲ ಅದರಲ್ಲಿಯೇ ಮಗ್ನರಾಗಿಬಿಟ್ಟಿರುತ್ತಾರೆ.
ಮುಂಬೈನಲ್ಲಿ ನಡೆದ ಘಟನೆಯೊಂದರಲ್ಲಿ ಒಬ್ಬ ಹುಡುಗ ಮೊಬೈಲ್‌ನಲ್ಲಿ ಪ್ರತಿದಿನ ಪಬ್ಜಿ ಆಡುತ್ತಿದ್ದನಂತೆ, ಫೋನಲ್ಲಿ ಗೇಮ್ ತುಂಬಾ ಸ್ಲೋ ಆಗಿದೆ ಎಂದು ರೂ. 37 ಸಾವಿರ ರೂಪಾಯಿ ಹೊಸ ಫೋನ್ ಕೊಡಿಸಲು ಪೋಷಕರೊಂದಿಗೆ ಹಟ ಹಿಡಿಯುತ್ತಾನೆ, ಆದರೆ ಅಷ್ಟೊಂದು ಹಣ ಕೊಡಲು ಆಗುವುದಿಲ್ಲ ಎಂದ ಪೋಷಕರ ಮೇಲೆ ಕೋಪಗೊಂಡು ಫ್ಯಾನ್‌ಗೆ ನೇಣುಹಾಕಿಕೊಂಡ ಘಟನೆಯನ್ನು ಕೇಳಿದ್ದೇವೆ.
ಇನ್ನೂ ಕೆಲವು ಮಕ್ಕಳು ಅದರ ಮಾಯದಲ್ಲಿ ಬಿದ್ದು ಅರೆಹುಚ್ಚನಾಗಿರುವ ಹಲವಾರು ಘಟನೆಗಳು ಇವೆ. ಓದು-ಬರಹ ಕಡೆ ಗಮನಹರಿಸದೆ, ಸ್ನೇಹಿತರೊಂದಿಗೆ ಆಟವಾಡದೆ ತಮ್ಮೆಲ್ಲಾ ಸಮಯವನ್ನು ಮೊಬೈಲ್‌ನ ಪಬ್ಜೀ ಗೇಮ್‌ನೊಂದಿಗೆ ಕಾಲ ಕಳೆದು ಇಡೀ ಜೀವನವನ್ನೇ ನಾಶ ಮಾಡಿಕೊಳ್ಳುತ್ತಿದ್ದಾರೆ. ಇದನ್ನು ತಿಳಿಹೇಳಿದವರನ್ನೇ ಕೊಲೆ ಮಾಡುವ ಹಂತಕ್ಕೆ ಹೋಗುತ್ತಿದ್ದಾರೆಂದರೆ ಎಂತಹ ಮಾರಣಾಂತಿಕ ಗೇಮ್ ಆಗಿರಬೇಡಿ ನೀವೇ ಊಹಿಸಿ ನೋಡಿ.
ಪೋಷಕರೇ ಮಕ್ಕಳನ್ನು ಇಂತಹ ಗೇಮ್‌ಗಳಿಂದ ರಕ್ಷಿಸಲು ಇರುವ ಮಾರ್ಗವೆಂದರೆ, ದಯವಿಟ್ಟು ಮೊಬೈಲ್, ಇಂಟರ್ನೆಟ್ ನೋಡುವುದನ್ನು ತಪ್ಪಿಸಿ, ಅವರನ್ನು ಪ್ರೀತಿ-ಕಾಳಜಿಯಿಂದ ತಿಳಿ ಹೇಳಿ ಮೈದಾನದಲ್ಲಿ ಆಟವಾಡಲು ಕಳುಹಿಸಿ. ಇಲ್ಲವೆ ಬೇರೆ ಯಾವುದಾದರೂ ಹವ್ಯಾಸಗಳನ್ನು ಬೆಳೆಸಿ.
