ಕಳ್ಳನ ಬಂಧನ ಮಾಡಿದ್ದಕ್ಕೆ ಇನ್ಸಪೆಕ್ಟರ್, ಪೊಲೀಸರಿಗೆ ಕ್ವಾರಂಟೈನ್
ಕಳ್ಳನೊಬ್ಬನನ್ನು ಬಂಧಿಸಿದ ಕಾರಣಕ್ಕಾಗಿ ಇನ್ಸಪೆಕ್ಟರ್ ಹಾಗೂ 15 ಪೊಲೀಸರನ್ನು ಕ್ವಾರಂಟೈನ್ ಗೆ ಒಳಪಡಿಸಲಾಗಿದೆ.
ಬೆಂಗಳೂರಿನ ಹೆಬ್ಬಗೋಡಿ ಠಾಣೆಯ ಪೊಲೀಸರು ಕಳ್ಳನನ್ನು ಬಂಧಿಸಿ ನ್ಯಾಯಾಧೀಶರ ಮುಂದೆ ಹಾಜರುಪಡಿಸಿದ್ದರು.
ಕಳ್ಳ ಪಾದರಾಯನಪುರದವನು ಎನ್ನುವ ವಿಷಯ ಗೊತ್ತಾಗುತ್ತಲೇ ಆತನ ವೈದ್ಯಕೀಯ ಪರೀಕ್ಷೆ ಮಾಡಿಸಲಾಯಿತು. ಆಗ ಕೊರೊನಾ ಇರೋದು ಗೊತ್ತಾಗಿದೆ.
ಕಳ್ಳನನ್ನು ಬಂಧಿಸಿರುವ ಪೊಲೀಸರಿಗೆ ಕೊರೊನಾ ಆತಂಕ ಶುರುವಾಗಿ, ಕ್ವಾರಂಟೈನ್ ಮಾಡಲಾಗಿದ್ದರೆ, ನ್ಯಾಯಾಧೀಶರಿಗೂ ಕಳ್ಳನಿಂದ ಕೊರೊನಾ ಆತಂಕ ಆರಂಭಗೊಂಡಿದೆ ಎನ್ನಲಾಗಿದೆ.
