ರಣವೀರ್ ಸಿಂಗ್, ವಾಣಿ ಕಪೂರ್ ಜೋಡಿಯಾಗಿ ಅಭಿನಯಿಸಿರುವ ಬಾಲಿವುಡ್ ಸಿನಿಮಾ ’ಬೇಫಿಕ್ರೆ’ ಕಲೆಕ್ಷನ್ ಎರಡನೇ ದಿನ ಸದ್ದು ಮಾಡಿದೆ. ಶುಕ್ರವಾರ ಬಿಡುಗಡೆಯಾದ ಈ ಚಿತ್ರ ಮೊದಲ ದಿನ ರೂ.10.36 ಕೋಟಿ ಕಲೆಕ್ಷನ್ ಮಾಡಿತ್ತು. ಎರಡನೇ ದಿನ ರೂ.11.60 ಕೋಟಿಗೆ ಸೇರಿದೆ.
ಎರಡು ದಿನಗಳಲ್ಲಿ ಒಟ್ಟಾರೆ ರು.21.96 ಕೋಟಿ ಕಲೆಕ್ಷನ್ ಆಗಿದೆ. ಈ ಸಿನಿಮಾದಲ್ಲಿ ರಣವೀರ್ ಕಪೂರ್ ಮತ್ತು ವಾಣಿ ಕಪೂರ್ ಲಿಪ್ ಲಾಕ್ ಸನ್ನಿವೇಶಗಳಲ್ಲಿ ಭರ್ಜರಿಯಾಗಿ ಪರ್ಫಾಮೆನ್ಸ್ ನೀಡಿದ್ದಾರೆ. ವಿಶೇಷ ಎಂದರೆ ಈ ಚಿತ್ರ ದೇಶದಾದ್ಯಂತೆ 2100 ತೆರೆಗಳನ್ನು ಅಲಂಕರಿಸಿತ್ತು. ವಿಮರ್ಶಕರಿಂದ ಚಿತ್ರಕ್ಕೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾದರೂ ಕಲೆಕ್ಷನ್‍ನಲ್ಲಿ ಮಾತ್ರ ಭರ್ಜರಿಯಾಗಿ ಮುನ್ನಡೆಯುತ್ತಿದೆ.
ಆದಿತ್ಯ ಛೋಪ್ರಾ ನಿರ್ದೇಶನ, ನಿರ್ಮಾಣ, ಕಥೆ ಚಿತ್ರಕಥೆ ಈ ಚಿತ್ರಕ್ಕಿದೆ. ಪ್ಯಾರಿಸ್ ಮತ್ತು ಮುಂಬೈನಲ್ಲಿ ಈ ಚಿತ್ರವನ್ನು 50 ದಿನಗಳ ಕಾಲ ಚಿತ್ರೀಕರಿಸಲಾಗಿತ್ತು. ಸುಮಾರು ರು.70 ಕೋಟಿ ಬಜೆಟ್‌ನಲ್ಲಿ ನಿರ್ಮಿಸಿರುವ ಸಿನಿಮಾ ಇದು. ಕಲೆಕ್ಷನ್ ಹೀಗೆ ಮುಂದುವರೆದರೆ ಲಾಭದಲ್ಲಿ ಮುನ್ನಡೆಯುವ ಸೂಚನೆ ಕೊಟ್ಟಿದೆ.
