ಈ ಬಾರಿ ಮತ್ತೆ ‘ಬಿಗ್‌ ಬಿ’ ಅಮಿತಾಭ್‌ ಬಚ್ಚನ್‌ ಅವರೇ ಕಾರ್ಯಕ್ರಮ ನಡೆಸಿಕೊಡಲಿದ್ದಾರೆ. ಇತ್ತೀಚೆಗೆ ತಮ್ಮ ಟ್ವಿಟರ್‌ ಖಾತೆಯಲ್ಲಿ ಖುದ್ದಾಗಿ ಅಮಿತಾಬ್ ಅವರೇ ಇದನ್ನು ಸ್ಪಷ್ಟಪಡಿಸಿದ್ದರು. ಅಲ್ಲದೆ, ‘ಕರೋಡ್‌ಪತಿ’ಯ ಚಿತ್ರೀಕರಣದ ದೃಶ್ಯಗಳನ್ನೂ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದರು.
ಒಂಬತ್ತನೇ ಆವೃತ್ತಿಗೆ ಹೋಸ್ಟ್‌ ಯಾರಾಗುತ್ತಾರೆ ಎಂಬ ಪ್ರಶ್ನೆಯೂ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿತ್ತು. ಮಾಧುರಿ ದೀಕ್ಷಿತ್‌ ಹಾಗೂ ಐಶ್ವರ್ಯಾ ರೈ ಬಚ್ಚನ್‌ ಅವರನ್ನು ಸೋನಿ ವಾಹಿನಿ ಕೇಳಿಕೊಂಡಿದೆ ಎಂಬ ವದಂತಿ ಹಬ್ಬಿತ್ತು. ಇದೀಗ ಎಲ್ಲಾ ಚರ್ಚೆ, ಗಾಳಿಸುದ್ದಿಗೆ ತೆರೆ ಬಿದ್ದಿದ್ದು, ಬಿಗ್‌ ಬಿ ಮತ್ತೆ ಸ್ಪರ್ಧಿಗಳನ್ನು ಹಾಟ್‌ ಸೀಟ್‌ನಲ್ಲಿ ಕೂರಿಸಲಿದ್ದಾರೆ.
