ಅಂದಿನಿಂದ ಇಂದಿನವರೆಗೂ ರಜನಿಯನ್ನು ಭೇಟಿಯಾಗಿದ್ದಾಗಲಿ, ಮಾತನಾಡಿದ್ದಾಗಲಿ ಇಲ್ಲ. ಆದರೆ ಇತ್ತೀಚೆಗೆ ಹೃತಿಕ್ ಅಭಿನಯಿಸಿರುವ ಕಾಬಿಲ್ ಚಿತ್ರದ ಟ್ರೇಲರ್ ನೋಡಿ ಚೆನ್ನಾಗಿ ಎಂದು ಹೃತಿಕ್‌ಗೆ ರಜನಿ ಪತ್ರ ಬರೆದಿದ್ದಾರಂತೆ. ಸ್ವತಃ ರಜನಿ ಅವರೇ ಪತ್ರ ಬರೆದಿರುವುದು ಹೃತಿಕ್‌ಗೆ ಅತೀವ ಸಂತಸ ತಂದಿದೆಯಂತೆ.
ರಜನಿ ಹುಟ್ಟುಹಬ್ಬಕ್ಕೂ ಒಂದು ದಿನ ಮುಂಚೆ ಶುಭಾಶಯ ತಿಳಿಸಲು ಹೃತಿಕ್ ತಂದೆ ರಾಕೇಶ್ ರೋಷನ್ ಕರೆ ಮಾಡಿದರಂತೆ. ಆಗ ರಜನಿ ಮಾತನಾಡುತ್ತಾ, ಕಾಬಿಲ್ ಚಿತ್ರ ನೋಡಬೇಕೆಂದು ಎದುರುನೋಡುತ್ತಿದ್ದೇನೆ ಎಂದರಂತೆ. ಇದಕ್ಕಾಗಿ ಕಾಬಿಲ್ ಪ್ರೀಮಿಯರ್ ಶೋ ರಜನಿಕಾಂತ್‌ಗೆ ತೋರಿಸಲಿದ್ದಾರೆ.
ಭಗವಾನ್ ದಾದಾ ಚಿತ್ರೀಕರಣ ವೇಳೆ ಹೃತಿಕ್ ಅಭಿನಯದ ಬಹಳಷ್ಟು ಸನ್ನಿವೇಶಗಳನ್ನು ರಿಪೀಟ್ ಮಾಡಬೇಕಾಗಿತ್ತಂತೆ. ಆಗ ತಪ್ಪು ಹೃತಿಕ್‌ದಲ್ಲ ನನ್ನದೇ ಎಂದು ರಜನಿ ಹೇಳುತ್ತಿದ್ದರಂತೆ. ಆಗಲೇ ನನಗೆ ರಜನಿ ತಂದೆಯಂತೆ, ಸ್ನೇಹಿತನಂತೆ ಕಂಡರು. ದೊಡ್ಡವರಿಂದ ಚಿಕ್ಕವರವರೆಗೂ ಎಲ್ಲರಿಗೂ ಗೌರವ ಕೊಡುತ್ತಿದ್ದರು ಎಂದು ರಜನಿ ಜತೆಗಿನ ತನ್ನ ಅನುಬಂಧವನ್ನು ನೆನಪಿಸಿಕೊಂಡಿದ್ದಾರೆ ಹೃತಿಕ್.
