ಮುಂಬೈ ವಿಮಾನ ನಿಲ್ದಾಣದಲ್ಲಿ ಎಲ್ಲರ ಕಣ್ಣುಕುಕ್ಕಿದ ಶ್ರೀದೇವಿ

ಅತಿ ಶೀಘ್ರದಲ್ಲೇ ಬೆಳ್ಳಿತೆರೆಗೆ ಪರಿಚಯವಾಗುತ್ತಿರುವ ತನ್ನ ಇಬ್ಬರು ಪುತ್ರಿಯರ ಜತೆ ಶ್ರೀದೇವಿ ನಡೆದುಬರುತ್ತಿರುವುದನ್ನು ನೋಡಿದವರು ಮೂಗಿನ ಮೇಲೆ ಬೆರಳಿಟ್ಟಿದ್ದಾರೆ! ಇದರಲ್ಲೇನು ವಿಶೇಷ ಎಂದುಕೊಂಡಿರಾ? ಅಲ್ಲೇ ಇರೋದು ನೋಡಿ ಅಸಲಿ ವಿಷಯ!

ಶ್ರೀದೇವಿಯನ್ನು ನೋಡುತ್ತಿದ್ದರೆ ಇನ್ನೂ ಯುವ ಹೀರೋಯಿನ್‌ಗಳು ನಾಚುವಂತಿದ್ದಾರೆ. ಅವರ ಮಕ್ಕಳಿಗೆ ಅಮ್ಮನ ತರಹ ಕಾಣಿಸದೆ ಅಕ್ಕನಂತೆ ಕಾಣಿಸುತ್ತಾರೆ ಶ್ರೀದೇವಿ. ಇತ್ತೀಚೆಗೆ ಅವರು ಮುಂಬೈ ಏರ್‌ಪೋರ್ಟ್‌ನಲ್ಲಿ ಇಳಿದು ತನ್ನಿಬ್ಬರು ಪುತ್ರಿಯರ ಜತೆ ಹೆಜ್ಜೆ ಹಾಕುತ್ತಿದ್ದರೆ ಎಲ್ಲರ ಕಣ್ಣುಗಳು ಶ್ರೀದೇವಿ ಮೇಲೆಯೇ ನೆಟ್ಟಿದ್ದವು.

ತನ್ನ ಅಭಿನಯದ ಮತ್ತು ಅಂದಚೆಂದದ ಮೂಲಕ ಕೋಟ್ಯಾಂತರ ಅಭಿಮಾನಿಗಳ ಹೃದಯ ಗೆದ್ದ ಅಭಿನೇತ್ರಿ ಶ್ರೀದೇವಿ. ಸಾಕಷ್ಟು ಗ್ಯಾಪ್ ಬಳಿಕ ಇಂಗ್ಲಿಷ್-ವಿಂಗ್ಲಿಷ್ ಚಿತ್ರದ ಮೂಲಕ ರೀ ಎಂಟಿ ಕೊಟ್ಟಿದ್ದರು. ಅದಾದ ಬಳಿಕ ತಮಿಳಿನ ಪುಲಿ ಚಿತ್ರದಲ್ಲಿ ಅಭಿನಯಿಸಿದರು. ಈಗ ಮಾಮ್ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. 

ಶ್ರೀದೇವಿ ಪತಿ ಬೋನಿ ಕಪೂರ್ ನಿರ್ಮಿಸುತ್ತಿರುವ ಚಿತ್ರಕ್ಕೆ ರವಿ ಉದ್ಯಾವರ್ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ನವಾಜುದ್ದೀನ್ ಸಿದ್ಧಿಕಿ, ಅಕ್ಷಯ್ ಖನ್ನಾ, ಅಭಿಮನ್ಯು ಸಿಂಗ್ ಇತರರು ಪಾತ್ರವರ್ಗದಲಿದ್ದಾರೆ. ಶ್ರೀದೇವಿ ಹಿರಿಯ ಮಗಳು ಜಾಹ್ನವಿ ಕಪೂರ್ ಸಹ ಬೆಳ್ಳಿತೆರೆಗೆ ಅಡಿಯಿಡಲು ಸಿದ್ಧವಾಗುತ್ತಿದ್ದಾರೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.