ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ಸೋನಾಲಿ ಬೇಂದ್ರೆ ಗೆಳತಿಯರ ಜತೆ ಖುಷಿಯ ಕ್ಷಣಗಳನ್ನು ಕಳೆದು ಹೇಳಿದ್ದೇನು?

ಮಂಗಳವಾರ, 7 ಆಗಸ್ಟ್ 2018 (08:24 IST)
ಮುಂಬೈ: ಕ್ಯಾನ್ಸರ್ ಗೆ ನ್ಯೂಯಾರ್ಕ್ ನಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಬಾಲಿವುಡ್ ನಟಿ ಸೋನಾಲಿ ಬೇಂದ್ರೆ ತಮ್ಮ ಹೊಸ ಫೋಟೋವನ್ನು ಶೇರ್ ಮಾಡಿದ್ದಾರೆ. ಅವರ ಆತ್ಮೀಯ ಸ್ನೇಹಿತರಾದ ಸುಸಾನೆ ಖಾನ್ ಮತ್ತು ಗಾಯಿತ್ರಿ ಜೋಷಿ ಅವರ ಸಾಂಗತ್ಯದಿಂದ ಫ್ರೆಂಡ್‌ಶಿಪ್‌ ಡೇಯನ್ನು ಸಂತಸದಿಂದ ಕಳೆಯುವಂತೆ ಮಾಡಿದೆಯಂತೆ.


ಚಿಕಿತ್ಸೆಗಾಗಿ ಕೂದಲನ್ನು ಬೋಳಿಸಿರುವ ಸೋನಾಲಿ ಬೇಂದ್ರೆ 'ಇದು ನಾನು, ಈ ಕ್ಷಣ ತುಂಬಾ ಸಂತೋಷವಾಗಿದ್ದೇನೆ ಎಂದು ಹೇಳಿದರೆ ಜನರು ನನ್ನನ್ನು ವಿಚಿತ್ರವಾಗಿ ನೋಡಬಹುದು. ಆದರೆ ಇದು ಸತ್ಯ, ಅದ್ಹೇಗೆ ಎಂದು ಹೇಳುತ್ತೇನೆ, ನಾನೀಗ ಪ್ರತಿಯೊಂದು ಕ್ಷಣವನ್ನೂ ಗಮನಿಸುತ್ತೇನೆ, ಸಂತೋಷವಾಗಿ ಕಳೆಯಲು ಪ್ರತಿಯೊಂದು ಅವಕಾಶವನ್ನೂ ಬಳಸಿಕೊಳ್ಳುತ್ತೇನೆ.


ಹೌದು, ನೋವಿದೆ, ನಿಶ್ಯಕ್ತಿಯಿದೆ, ಆದರೂ ನನಗೆ ಇಷ್ಟವಾಗಿದ್ದನ್ನು ಮಾಡುತ್ತೇನೆ. ಸ್ನೇಹಿತರು ನನ್ನ ಶಕ್ತಿ, ಅವರ ಬ್ಯುಸಿ ಶೆಡ್ಯೂಲ್‌ ನಡುವೆಯೂ ನನ್ನ ಭೇಟಿ ಮಾಡಿ, ನನ್ನಲ್ಲಿ ಒಂಟಿತನ ಭಾವನೆ ಬರದಂತೆ ನೋಡಿಕೊಂಡಿದ್ದಾರೆ. ನಿಮ್ಮಂಥ ಸ್ನೇಹಿತರನ್ನು ಪಡೆದ ನಾನು ಅದೃಷ್ಟವಂತೆ ನನ್ನೊಂದಿಗೆ ಇರಲು ಇಚ್ಛಿಸಿದವರಿಗೆ ಹಾಗೂ ನನಗೆ ಸಹಾಯ ಮಾಡಿದವರಿಗೆ ನಾನು ತುಂಬಾ ಧನ್ಯವಾದ ತಿಳಿಸುತ್ತೇನೆ’ ಎಂದು ಸೋನಾಲಿ ಬರೆದುಕೊಂಡಿದ್ದಾರೆ.


ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ

ವೆಬ್ದುನಿಯಾವನ್ನು ಓದಿ

ಸಂಬಂಧಿಸಿದ ಸುದ್ದಿ