ದೇಶದ ಅಭಿವೃದ್ಧಿಯ ಹೊಣೆಹೊರಲು ನನ್ನ ಪುತ್ರ ಸಿದ್ದ: ಮೋದಿ ತಾಯಿ

ಬಿಜೆಪಿ ಮೈತ್ರಿಕೂಟದ ಪಕ್ಷಗಳಿಗೆ ಸರಕಾರ ರಚಿಸಲು ಅಗತ್ಯವಾದ 273 ಕ್ಷೇತ್ರಗಳ ಗೆಲುವಿನ ದಾಖಲೆಯನ್ನು ತಲುಪುತ್ತಿದ್ದಂತೆ ಮೋದಿ ಪ್ರಧಾನಿಯಾಗುವುದು ಖಚಿತವಾಗಿದೆ. ನನ್ನ ಪುತ್ರ ನರೇಂದ್ರ ಮೋದಿ ದೇಶದ ನಾಯಕತ್ವವನ್ನು  ವಹಿಸಲಿದ್ದಾನೆ ಎಂದು ಮೋದಿ ತಾಯಿ ಹೀರಾಬೆನ್ ಸಂತಸ ವ್ಯಕ್ತಪಡಿಸಿದ್ದಾರೆ.      

ಗುಜರಾತ್ ರಾಜ್ಯದಲ್ಲಿ ನಾಲ್ಕನೇ ಬಾರಿಗೆ ಮುಖ್ಯಮಂತ್ರಿಯಾಗಿ ಅಧಿಕಾರ ನಿರ್ವಹಿಸುತ್ತಿರುವ 63 ವರ್ಷ ವಯಸ್ಸಿನ ನರೇಂದ್ರ ಮೋದಿ, ತಮ್ಮ ತಾಯಿಯನ್ನು ಶೀಘ್ರದಲ್ಲಿ ಭೇಟಿಯಾಗುವುದಾಗಿ ತಿಳಿಸಿದ್ದಾರೆ.  

ನರೇಂದ್ರ ಮೋದಿಗೆ ನನ್ನ ಆಶೀರ್ವಾದವಿದೆ. ದೇಶವನ್ನು ಅಭಿವೃದ್ದಿಪಥದತ್ತ ನಡೆಸುವ ಸಾಮರ್ಥ್ಯ ಹೊಂದಿದ್ದಾನೆ ಎಂದು ಮೋದಿ ತಾಯಿ ಹೀರಾಬೆನ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. 

ನನ್ನ ತಾಯಿ ನೆರೆಮನೆಗಳಲ್ಲಿ ಕೆಲಸದಾಳಾಗಿ ಕಾರ್ಯನಿರ್ವಹಿಸಿ ನನ್ನನ್ನು ಸಲುಹಿದ್ದಾಳೆ. ನಾನು ಮುಖ್ಯಮಂತ್ರಿಯಾಗಿದ್ದರೂ ತಾಯಿ ಹೀರಾಬೆನ್ ಮತಚಲಾಯಿಸಲು ಅಟೋರಿಕ್ಷಾದಲ್ಲಿ ತೆರಳಿದ್ದಳು ಎಂದು ಮೋದಿ ತಮ್ಮ ಪ್ರಚಾರ ಸಭೆಯಲ್ಲಿ ಹೇಳಿಕೆ ನೀಡಿದ್ದರು.      

ಚುನಾವಣೆ ಫಲಿತಾಂಶಕ್ಕಾಗಿ ಕ್ಲಿಕ್ಕಿಸಿ

http://elections.webdunia.com/karnataka-loksabha-election-results-2014.htm

http://elections.webdunia.com/Live-Lok-Sabha-Election-Results-2014-map.htm