ಭಾರತದ 66ನೇ ಗಣರಾಜ್ಯೋತ್ಸವದ ಅಂಗವಾಗಿ ಬರಾಕ್ ಒಬಾಮಾ ಭಾನುವಾರ ಭಾರತಕ್ಕೆ ಭೇಟಿ ನೀಡಿ, ಪ್ರಧಾನಿ ನರೇಂದ್ರ ಮೋದಿ, ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಸೇರಿದಂತೆ ಗಣ್ಯರನ್ನು ಭೇಟಿಯಾಗಿ ಮಾತುಕತೆ ನಡೆಸಿದ್ದರು. ಈ ನಿಟ್ಟಿನಲ್ಲಿ ಒಬಾಮಾ ಭೇಟಿ ಕುರಿತಂತೆ ಚೀನಾ ಪತ್ರಿಕೆ ಕುಹಕವಾಡಿದೆ.
ಅಷ್ಟೇ ಅಲ್ಲ ಎರಡು ದೇಶಗಳ ಒಪ್ಪಂದ ಚೀನಾದ ಮೇಲೆ ಯಾವುದೇ ಪರಿಣಾಮ ಬೀರಿಲ್ಲ ಎಂದು ಹೇಳಿದ್ದು, ಅಮೆರಿಕ ಮತ್ತು ಭಾರತ ನಡುವಿನ ರಾಯಭಾರಿ ವಿವಾದವನ್ನು ಕೆದಕಿ ಹೇಳುವ ಮೂಲಕ ಭಾರತ ಮತ್ತು ಅಮೆರಿಕ ನಡುವಿನ ಸ್ನೇಹ ತೋರಿಕೆಯದ್ದಾಗಿದೆ ಎಂದು ವರದಿ ಮಾಡಿದೆ.