ಟರ್ಕಿ ರಾಜಧಾನಿ ಅಂಕಾರಾದ ಮುಖ್ಯ ರೈಲು ನಿಲ್ದಾಣಗಳಲ್ಲಿ ಸಂಭವಿಸಿದ ಎರಡು ಭೀಕರ ಸ್ಫೋಟಗಳಲ್ಲಿ ಕನಿಷ್ಟಪಕ್ಷ 30 ಜನರು ಸತ್ತಿದ್ದಾರೆ. ನೂರಾರು ಜನರು ಶಾಂತಿ ರಾಲಿಯಲ್ಲಿ ಪಾಲ್ಗೊಂಡಿದ್ದಾಗ ಈ ಸ್ಫೋಟಗಳು ಸಂಭವಿಸಿದ್ದು, ಸರ್ಕಾರಿ ಅಧಿಕಾರಿಗಳು ಇದನ್ನು ಭಯೋತ್ಪಾದನೆ ದಾಳಿ ಎಂದು ಬಣ್ಣಿಸಿದ್ದಾರೆ.
ದಾಳಿಯನ್ನು ಆತ್ಮಾಹುತಿ ಬಾಂಬರ್ ನಡೆಸಿದ್ದಾನೆಂಬ ಬಗ್ಗೆ ಅಧಿಕಾರಿಗಳು ಶಂಕಿಸಿದ್ದು, ಈ ಕುರಿತು ಪೊಲೀಸರು ತನಿಖೆ ನಡೆಸಿದ್ದಾರೆ. ಟರ್ಕಿ ಭದ್ರತಾ ಪಡೆಗಳು ಕುರ್ದಿ ಉಗ್ರಗಾಮಿಗಳ ನಡುವೆ ಸಂಘರ್ಷದ ವಿರುದ್ಧ ಪ್ರತಿಭಟನೆಗೆ ಶಾಂತಿ ಮೆರವಣಿಗೆ ನಡೆಸಲು ಯೋಜಿಸಿ ನೂರಾರು ಜನರು ಸೇರಿದ್ದಾಗ ಕೆಲವೇ ಕ್ಷಣಗಳ ಅಂತರದಲ್ಲಿ ಎರಡು ಸ್ಫೋಟಗಳು ಸಂಭವಿಸಿದವು ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.
