ಸೆಪ್ಟೆಂಬರ್ 11 ದಾಳಿ ಎನ್ನುವ ಶಿರ್ಷಿಕೆ ಹೊಂದಿರುವ ಲೇಖನದಲ್ಲಿ ಅಲ್ಕೈದಾ, ಈಜಿಪ್ತ್ ಏರ್ಲೈನ್ಸ್ನ ಸಹ-ಪೈಲಟ್ ಗಾಮಿಲ್ ಅಲ್-ಬಟೌಟಿ ಲಾಸ್-ಏಂಜಲೀಸ್ನಿಂದ ಕೈರೋಗೆ ತೆರಳುತ್ತಿದ್ದ ವಿಮಾನವನ್ನು ಉದ್ದೇಶಪೂರ್ವಕವಾಗಿ ಅಟ್ಲಾಂಟಿಕ್ ಸಮುದ್ರಕ್ಕೆ ನುಗ್ಗಿಸಿ 100 ಅಮೆರಿಕನ್ ನಾಗರಿಕರು ಸೇರಿದಂತೆ 217 ಪ್ರಯಾಣಿಕರ ಸಾವಿಗೆ ಕಾರಣವಾದ ಘಟನೆ ಲಾಡೆನ್ಗೆ ಪ್ರೇರಣೆ ನೀಡಿತ್ತು ಎಂದು ಹೇಳಿದೆ.
ಆರಂಭದಲ್ಲಿ ಲಾಡೆನ್ ಇಂತಹ ವಿನಾಶಕಾರಿ ಕೃತ್ಯಕ್ಕೆ ಹೆಚ್ಚಿನ ಆಸಕ್ತಿ ತೋರಿಸಿರಲಿಲ್ಲ. ಆದರೆ, ಸೆಪ್ಟೆಂಬರ್ ಉಗ್ರರ ದಾಳಿಯ ರೂವಾರಿ ಎಂದು ಕರೆಯಲಾದ ಖಾಲೀದ್ ಶೇಖ್ ಮೊಹಮ್ಮದ್ ಅವರನ್ನು ಲಾಡೆನ್ ಭೇಟಿಯಾದ ನಂತರ ದಾಳಿಗೆ ಸ್ಕೆಚ್ ಹಾಕಲಾಯಿತು ಎಂದು ಅಲ್ಕೈದಾ ವರದಿಯಲ್ಲಿ ಬಹಿರಂಗಪಡಿಸಿದೆ.