ಸುಮಾರು 10-15 ವರ್ಷ ವಯಸ್ಸಿನ ಮುಗ್ಧ ಮಕ್ಕಳನ್ನು ಐಎಸ್ ಭಯೋತ್ಪಾದಕ ಗುಂಪಿನ ಶಿಕ್ಷಣ ಮತ್ತು ಮಿಲಿಟರಿ ಕೇಂದ್ರಗಳಿಗೆ ವರ್ಗಾಯಿಸಿ ಬ್ರೈನ್ವಾಷ್ ಮಾಡಿದ ಬಳಿಕ ಕ್ರೂರ ಕೃತ್ಯಗಳಿಗೆ ಬಳಸಿಕೊಳ್ಳುತ್ತಾರೆಂದು ಇರಾಕಿನ ಕುರ್ದಿಸ್ತಾನ್ ಡೆಮಾಕ್ರಟಿಕ್ ಪಕ್ಷದ ವಕ್ತಾರ ಸಯೀದ್ ಮಮುಜಿನಿ ತಿಳಿಸಿದ್ದಾರೆ. ಐಎಸ್ ಭಯೋತ್ಪಾದಕರು ತಮ್ಮ ಮಕ್ಕಳ ಅಪಹರಣದ ವಿರುದ್ಧ ಪ್ರತಿಭಟಿಸಿದ 78 ಪುರುಷರನ್ನು ಕೂಡ ವಶಕ್ಕೆ ತೆಗೆದುಕೊಂಡಿದ್ದಾರೆ.
ಉಗ್ರಗಾಮಿಗಳು ದೇಶದ ಅತೀ ದೊಡ್ಡ ನಗರ ಮೊಸುಲ್ ಕೈವಶ ಮಾಡಿಕೊಂಡ ಬಳಿಕ ಒಂದು ವರ್ಷದ ಅವಧಿಯಲ್ಲಿ 1420 ಮಕ್ಕಳನ್ನು ಅಪಹರಿಸಿದ್ದು, ಅವರಿಗೆ ಮಿಲಿಟರಿ ತರಬೇತಿಯನ್ನು ಬಲವಂತವಾಗಿ ನೀಡಿದ ಬಳಿಕ ಐಎಸ್ ಅವರನ್ನು ಭಯೋತ್ಪಾದನೆ ಮತ್ತು ಗುಪ್ತಚರ ಕಾರ್ಯಾಚರಣೆಯಲ್ಲಿ ಬಳಸಿಕೊಳ್ಳುತ್ತದೆ.