ದೆಹಲಿಯಿಂದ ಮುಂಬೈಗೆ ತೆರಳುತ್ತಿದ್ದ 120 ಮಂದಿ ಪ್ರಯಾಣಿಕರು ಮತ್ತು 8 ಸಿಬ್ಬಂದಿಯಿದ್ದ ಜೆಟ್ ಏರ್‌ವೇಸ್ ಫ್ಲೈಟ್ ಸಂಖ್ಯೆ 9ಡಬ್ಯು354 ವಿಮಾನದ ಲ್ಯಾಂಡಿಂಗ್ ಗೇರ್‌ನಲ್ಲಿ ತಾಂತ್ರಿಕ ದೋಷ ಕಾಣಿಸಿಕೊಂಡಿದ್ದರಿಂದ ಎಲ್ಲಾ ಪ್ರಯಾಣಿಕರನ್ನು ವಿಮಾನದಿಂದ ಸುರಕ್ಷಿತವಾಗಿ ಕೆಳಕ್ಕಿಳಿಸಲಾಯಿತು ಎಂದು ಏರ್‌ಲೈನ್ ಮೂಲಗಳು ಹೇಳಿವೆ. ವಿಮಾನ ರನ್‌ವೇನಲ್ಲಿ ಲ್ಯಾಂಡಿಂಗ್ ಆಗಿ ಚಲಿಸುತ್ತಿದ್ದಾಗ ಈ ದೋಷ ಕಾಣಿಸಿಕೊಂಡಿತೆಂದು ಮೂಲಗಳು ಹೇಳಿವೆ.
ಜೆಟ್ ಏರ್‌ವೇಸ್ ಇಂಜಿನಿಯರಿಂಗ್ ತಂಡ ಆರಂಭಿಕ ಪರಿಶೀಲನೆ ಮಾಡಿದಾಗ, ಮುಖ್ಯ ಲ್ಯಾಂಡಿಂಗ್ ಗೇರ್ ಹಾನಿಯಾಗಿರುವುದು ಪತ್ತೆಯಾಯಿತು. ವಿಮಾನದ ಯಾವುದೇ ಭಾಗದಲ್ಲಿ ಬೆಂಕಿ ಕಾಣಿಸಿಕೊಂಡಿಲ್ಲವೆಂದು ಸ್ಪಷ್ಟಪಡಿಸಲು ಬಯಸುತ್ತೇವೆ ಎಂದು ಜೆಟ್ ಏರ್‌ವೇಸ್ ಅಧಿಕೃತ ಹೇಳಿಕೆಯಲ್ಲಿ ತಿಳಿಸಿದೆ.
