ಬ್ರಿಟನ್ನ ನ್ಯೂಕ್ಯಾಸಲ್ ನಗರದ ನಿವಾಸಿ ಟೋನಿ ಕೋವನ್ (29) ಕಳೆದ ವರ್ಷ ಸೆಪ್ಟಂಬರ್ 9ರಂದು ನಡೆದ ಅಪಘಾತದಲ್ಲಿ ಗಂಭೀರವಾಗಿ ಗಾಯಗೊಂಡಿದ್ದ. ಅವರ ತಲೆ ಬೆನ್ನು ಮೂಳೆಯಿಂದ ಬೇರ್ಪಟ್ಟಿತ್ತು. ಕೆಲ ಸ್ನಾಯುಗಳ ಮೂಲಕವಷ್ಟೇ ಅವರ ರುಂಡ ದೇಹದ ಜತೆ ಸಂಪರ್ಕವನ್ನು ಹೊಂದಿತ್ತು. ಯಾವುದೇ ಕ್ಷಣದಲ್ಲಿ ಪ್ರಾಣ ಹೋಗುವುದು ಎಂಬ ಸ್ಥಿತಿಯಲ್ಲಿ ಅವರಿದ್ದರು. ಆತ ಬದುಕುವುದು ಸಾಧ್ಯವಿಲ್ಲ ಎಂದು ವೈದ್ಯರು ಘೋಷಿಸಿದ್ದರು.
ನ್ಯೂರೊ ಸರ್ಜನ್ ಅನಂತ್ ಕಾಮತ್ ನೇತೃತ್ವದಲ್ಲಿ ಮೆಟಲ್ ಪ್ಲೇಟ್ ಮತ್ತು ಬೋಲ್ಟ್ಗಳಿಂದ ಕೋವನ್ನ ತಲೆ ಮತ್ತು ಮೆದುಳನ್ನು ಜೋಡಿಸಲಾಯಿತು. ಅತ್ಯಂತ ಸಂಕೀರ್ಣವಾದ ಶಸ್ತ್ರಚಿಕಿತ್ಸೆ ಯಶಸ್ವಿಯಾಗಿದ್ದು, ಇದೇ ಮೊದಲ ಬಾರಿ ಇಂತಹ ಕಾರ್ಯವನ್ನು ಸಮರ್ಥವಾಗಿ ನಿಭಾಯಿಸಿದ ಕೀರ್ತಿಗೆ ಪಾತ್ರವಾಗಿದೆ ಕಾಮತ್ ನೇತೃತ್ವದ ತಂಡ.