ಪಾರ್ಥಿವ ಶರೀರವನ್ನು ಮ್ಯಾಕ್ವಿಲ್ಲೆ ರಸ್ತೆಯೂದ್ದಖೂ ಮೆರವಣಿಗೆ ನಡೆಸಲಾಯಿತು. ಅಗಲಿದ ಕ್ರಿಕೆಟಿಗನ ಅಂತಿಮ ಸಂಸ್ಕಾರಕ್ಕೆ 300 ಜನ ಗಣ್ಯರು ಸೇರಿದಂತೆ ಸುಮಾರು 5,000 ಜನ ಭಾಗವಹಿಸಿದ್ದರು. ಆಸ್ಟ್ರೇಲಿಯಾದ ಪ್ರಧಾನಿ ಟೋನಿ ಅಬೋಟ್ ಕೂಡ ಈ ಸಂದರ್ಭದಲ್ಲಿ ಹಾಜರಿದ್ದರು. ಹ್ಯೂಸ್ ಸ್ನೇಹಿತರು ಮಿತ್ರನ ಸ್ಮರಿಸಿ ಕಂಬನಿ ಮಿಡಿದರು.
ಮಾಜಿ ಆಟಗಾರರಾದ ಸ್ಟೀವ್ ವಾ, ಶೇನ್ ವಾರ್ನ್, ಮಾರ್ಕ್ ಟೇಲರ್, ರಿಕಿ ಪಾಂಟಿಂಗ್, ಆ್ಯಡಮ್ ಗಿಲ್ಕ್ರಿಸ್ಟ್, ಜಸ್ಟಿನ್ ಲ್ಯಾಂಗರ್ ಹಾಗೂ ನ್ಯೂಜಿಲೆಂಡ್ ತಂಡದ ಮಾಜಿ ಆಟಗಾರ ರಿಚರ್ಡ್ ಹ್ಯಾಡ್ಲಿ, ವೆಸ್ಟ್ ಇಂಡಿಸ್ ಕ್ರಿಕೆಟ್ ದಂತಕಥೆ ಬ್ರಿಯಾನ್ ಲಾರ ಕೂಡ ಹ್ಯೂಸ್ಗೆ ಅಂತಿಮ ವಂದನೆಗಳನ್ನು ಸಲ್ಲಿಸಿದರು.
ಭಾರತ ತಂಡದ ನಿರ್ದೇಶಕ ರವಿ ಶಾಸ್ತ್ರೀ,ಹಂಗಾಮಿ ನಾಯಕ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮ, ಮುರಳಿ ವಿಜಯ್, ಕೋಚ್ ಡಂಕನ್ ಫ್ಲೆಚರ್ ಸಹ ಅಂತಿಮ ಸಂಸ್ಕಾರದಲ್ಲಿ ಪಾಲ್ಗೊಂಡಿದ್ದರು.