ಕೇಟ್ ಅವರಿಗೆ ಶನಿವಾರ ಮುಂಜಾನೆ 5 ಗಂಟೆಯ ಸುಮಾರಿಗೆ ಹೆರಿಗೆ ನೋವು ಕಂಡು ಬಂದಿದ್ದು ಅವರನ್ನು ಲಂಡನ್‌‌‌‌‌‌‌‌‌‌‌‌‌‌‌‌‌‌‌‌‌‌‌‌ನ ಸೈಂಟ್ ಮೇರಿಸ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆಸ್ಪತ್ತೆಗೆ ದಾಖಲಾದ 3 ಗಂಟೆಯ ನಂತರ 8.34ಕ್ಕೆ( ಅಂತರಾಷ್ಟ್ರೀಯ ಸಮಯ 7.34) ಅವರು ಹೆಣ್ಣು ಮಗುವೊಂದಕ್ಕೆ ಜನ್ಮ ನೀಡಿದ್ದಾರೆ. ಮಗು 3.7ಕೆಜಿ ತೂಕ ಹೊಂದಿದೆ. ಇದು ಪ್ರಿನ್ಸ್, ಕೇಟ್ ದಂಪತಿಗಳ ಎರಡನೇ ಮಗುವಾಗಿದ್ದು, ಅವರಿಗೆ ಈಗಾಗಲೇ 18 ತಿಂಗಳ ಗಂಡು ಮಗುವಿದೆ. ಕೇಟ್ ಆಸ್ಪತ್ರೆಗೆ ದಾಖಲಾದ ಸುದ್ದಿ ಕೇಳಿ ಅರಮನೆ ಆವರಣದಲ್ಲಿ ಸೇರಿದ್ದ ಜನರು ಹೆಣ್ಣು ಮಗುವಾದ ಕುರಿತು ಘೋಷಣೆಯಾಗುತ್ತಿದ್ದಂತೆಯೇ ಸಿಹಿ ತಿಂಡಿ ಹಂಚಿಕೊಂಡು ಸಂಭ್ರಮನ್ನಾಚರಿಸಿದರು. ಮಗು ಜನಿಸಿದ ನಂತರ 12 ಗಂಟೆಗಳ ಕಾಲ ಮಾತ್ರ ಆಸ್ಪತ್ರೆಯಲ್ಲಿದ್ದ ಕೇಟ್ ನಂತರ ಅರಮನೆಗೆ ಮರಳಿದ್ದರು.
