ಸಿರಿಯಾ ಗಡಿಯಲ್ಲಿ ಐಸಿಸ್ ಉಗ್ರಗಾಮಿಗಳ ವಿರುದ್ಧ ಕಾರ್ಯಾಚರಣೆ ಮಾಡುತ್ತಿದ್ದ ವಿಮಾನವನ್ನು ಟರ್ಕಿ ಹೊಡೆದುರುಳಿಸಿದೆ. ಟರ್ಕಿಯ ವಾಯುಗಡಿಯನ್ನು ವಿಮಾನ ಉಲ್ಲಂಘಿಸಿದ್ದರಿಂದ ತಾವು ಹೊಡೆದುರುಳಿಸಿದ್ದಾಗಿ ಟರ್ಕಿಯು ಹೇಳಿಕೊಂಡಿದ್ದು, ಇದು ಉಭಯ ರಾಷ್ಟ್ರಗಳ ನಡುವೆ ವೈಮನಸ್ಸಿಗೆ ಎಡೆಯಾಗಿದೆ.
ಖಾಸಗಿ ಪ್ರಸಾರಕ ಹೇಬರ್ಟುಕ್ ಟಿವಿಯಲ್ಲಿ ಯುದ್ಧವಿಮಾನವು ಬೆಂಕಿಯಜ್ವಾಲೆಗೆ ಸಿಲುಕಿ ಕಾಡುಪ್ರದೇಶದಲ್ಲಿ ಬೀಳುತ್ತಿದ್ದು, ಅದರ ಹಿಂದೆ ದಟ್ಟವಾದ ಹೊಗೆ ಆವರಿಸಿಕೊಂಡಿದ್ದನ್ನು ತೋರಿಸಿದೆ. ಗಡಿಯ ಬಳಿ ಟರ್ಕ್ಮನ್ ಮೌಂಟೇನ್ ಎಂದು ಹೆಸರಾದ ಪ್ರದೇಶದಲ್ಲಿ ವಿಮಾನ ಉರುಳಿದೆ ಎಂದು ಹೆಬರ್ಟುರ್ಕ್ ತಿಳಿಸಿದೆ.