ಬರ್ಲಿನ್ನಲ್ಲಿ ನಡೆದ 2016 ನೇ ಸಾಲಿನ ಐಎಫ್ಎ ಸಮಾರಂಭದಲ್ಲಿ ತೈವಾನ್ ಮೂಲದ ದೈತ್ಯ ಏಸರ್ ಸಂಸ್ಥೆ, ವಿಶ್ವದ ಅತ್ಯಂತ ತೆಳುವಾದ ಕೇವಲ ಒಂದು ಸೆಂಟಿಮೀಟರ್ ದಪ್ಪವಿರುವ ಕನ್ವರ್ಟಿಬಲ್ ಸ್ಪೀನ್-7 ಆವೃತ್ತಿಯ ಲ್ಯಾಪ್ಟಾಪ್ಗಳನ್ನು ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದೆ.
ಐಷಾರಾಮಿ ಸ್ಪೀನ್-7 ಆವೃತ್ತಿಯ ಲ್ಯಾಪ್ಟಾಪ್ಗಳು ಯಾವುದೇ ಅಡೆತಡೆಗಳಿಲ್ಲದೆ ಬಳಕೆದಾರರಿಗೆ ಉತ್ತಮ ಸೇವೆ ನೀಡಲಿದೆ ಎಂದು ಏಸರ್ ಇಂಕ್ನ, ಐಟಿ ಉತ್ಪನ್ನಗಳು ಉದ್ಯಮ, ವಾಣಿಜ್ಯ & ಡಿಟ್ಯಾಚೇಬಲ್ ನೋಟ್ಬುಕ್, ಜನರಲ್ ಮ್ಯಾನೇಜರ್ ಜೇಮ್ಸ್ ಲಿನ್ ತಿಳಿಸಿದ್ದಾರೆ.
ಸ್ಪೀನ್-7 ಆವೃತ್ತಿಯ ಲ್ಯಾಪ್ಟಾಪ್ಗಳು 14 ಇಂಚಿನ ಫುಲ್ ಎಚ್ಡಿ ಡಿಸ್ಪ್ಲೇ ಜೊತೆಗೆ ರಕ್ಷಣೆಗಾಗಿ ಕಾರ್ನಿಂಗ್ ಗೋರಿಲಾ ಗ್ಲಾಸ್ ವಿಶೇಷತೆಯನ್ನು ಹೊಂದಿದೆ. ಅಲ್ಯೂಮಿನಿಯಂ ಯುನಿಬಾಡಿ ಜೊತೆಗೆ ಮ್ಯಾಟ್ ಬ್ಲ್ಯಾಕ್ ಚಾಸಿಸ್, ಪಾಲಿಶ್ಡ್ ಸಿಲ್ವರ್ ಹಿಂಗ್ಸ್ ಮತ್ತು ಡೈಮೆಂಡ್ ಕಟ್ ಎಡ್ಜ್ಗಳ ಮೂಲಕ ಈ ಪೋನ್ನ ಟಚ್ಪ್ಯಾಡ್ ಸುತ್ತಲು ವಿನ್ಯಾಸಗೊಳಿಸಲಾಗಿದೆ.