ಅಧಿಕ ಮೌಲ್ಯದ ನೋಟು ನಿಷೇಧದ ಹಿನ್ನೆಲೆಯಲ್ಲಿ ಮೊಬೈಲ್ ಫೋನ್ಗಳಲ್ಲಿ ವಹಿವಾಟು ನಡೆಸುವವರ ಸಂಖ್ಯೆ ಗಣನೀಯ ಪ್ರಮಾಣದಲ್ಲಿ ಏರಿಕೆಯಾಗಿದೆ. ನಗದಿಗಾಗಿ ಬ್ಯಾಂಕು, ಎಟಿಎಂಗಳ ಮುಂದೆ ನಿಲ್ಲುವುದಕ್ಕಿಂತ ಆಪ್ಸ್ ಮೂಲಕ ಕೆಲಸಗಳನ್ನು ಸುಲಭವಾಗಿ ಮಾಡಿಕೊಳ್ಳಲು ಜನ ಮುಂದಾಗಿದ್ದಾರೆ.
ಇತ್ತೀಚೆಗೆ ಯೂನಿಫೈಡ್ ಪೇಮೆಂಟ್ಸ್ ಇಂಟರ್ಪೇಸ್ (ಯುಪಿಐ) ಆಪ್ಗಳು ಬಂದಿವೆ. ಇದರಿಂದ ಕೈಯಲ್ಲಿ ನಗದು ಇಲ್ಲದಿದ್ದರೂ ಪ್ರತಿದಿನ ವ್ಯವಹಾರವನ್ನು ಆಪ್ ಮೂಲಕ ನಡೆಸಲು ಸಾಧ್ಯವಾಗಿದೆ. ಈ ಮೊಬೈಲ್ ಆಪ್ಗಳ ಮೂಲಕ ನಗದನ್ನು ಸುಲಭವಾಗಿ ಬ್ಯಾಂಕ್ ಖಾತೆಗಳಿಗೆ ಜಮೆ ಮಾಡಬಹುದು. ಖಾತೆಯಲ್ಲಿರುವ ಠೇಣಣಿಯನ್ನು ತಿಳಿದುಕೊಳ್ಳಬಹುದು. ಈ ಹಿಂದೆ ನಡೆಸಿರುವ ವ್ಯವಹಾರ ತಿಳಿದುಕೊಳ್ಳಬಹುದು, ನಾನಾ ರೀತಿಯ ಹಣ ವರ್ಗಾವಣೆ ಸಾಧ್ಯ.