ಜಗತ್ತಿನ ಅರ್ಧದಷ್ಟು ಆನ್ಲೈನ್ ಬಳಕೆದಾರರು ತಿಂಗಳಿಗೆ ಒಮ್ಮೆಯಾದರೂ ಫೇಸ್ಬುಕ್ಗೆ ಲಾಗಾನ್ ಮಾಡುತ್ತಾರೆ ಎಂದು ಸಾಮಾಜಿಕ ಜಾಲತಾಣ ಫೇಸ್ಬುಕ್ ಹೇಳಿಕೊಂಡಿದೆ. ಕಂಪನಿಯ ಪ್ರಕಾರ, ತಿಂಗಳಿಗೆ ಒಂದು ಬಾರಿಯಾದರೂ ಫೇಸ್ಬುಕ್ ಬಳಸುವ ಜನರ ಸಂಖ್ಯೆ ಶೇ. 13ರಷ್ಟು ಹೆಚ್ಚಾಗಿ 1.49 ಶತಕೋಟಿಗೆ ಮುಟ್ಟಿದೆ. ಅಂತರ್ಜಾಲವನ್ನು ಜಗತ್ತಿನಲ್ಲಿ ಬಳಸುವ ಮೂರು ಶತಕೋಟಿ ಜನರ ಪೈಕಿ ಈ ಸಂಖ್ಯೆಯು ಅರ್ಧದಷ್ಟಿದೆ.
ಮಾಸಿಕ ಸಕ್ರಿಯ ಬಳಕೆದಾರರ ಹೆಚ್ಚಳದಿಂದ ಎರಡು ತ್ರೈಮಾಸಿಕದ ಆದಾಯವು ಶೇ. 39ರಷ್ಟು ಹೆಚ್ಚಾಗಿದ್ದು, 4.04 ಶತಕೋಟಿ ಡಾಲರ್ಗೆ ಮುಟ್ಟಿದೆ ಎಂದು ವರದಿ ತಿಳಿಸಿದೆ. ಮೊಬೈಲ್ ಜಾಹಿರಾತು ಆದಾಯವು ದೊಡ್ಡ ಅಂಶವಾಗಿದ್ದು, ಒಟ್ಟು ಮೊತ್ತದ ಮೂರನೇ ಒಂದರಷ್ಟು ಭಾಗವಾಗಿದೆ.