ಮಿಸ್ಲೀಡ್ ಮಾಡುವ ಜಾಹೀರಾತಿನ ಮೂಲಕ ನಿಧಿ ಸಂಗ್ರಹ ಮತ್ತು ಸಾಮಾಜಿಕ ಮಾಧ್ಯಮವನ್ನು ಬಳಸಿಕೊಂಡು ಜನರಿಗೆ ತಪ್ಪು ಮಾಹಿತಿ ನೀಡಿರುವ ಕಂಪನಿ ಅತಿ ಕಡಿಮೆ ದರದಲ್ಲಿ ಸ್ಮಾರ್ಟ್ ಫೋನ್ ಕೊಡುವುದಾಗಿ ಹೇಳಿ ಜನರಿಗೆ ವಂಚನೆ ಮಾಡುತ್ತಿದೆ. ಅಲ್ಲದೇ, ಜಾಹೀರಾತಿನಲ್ಲಿ ತ್ರಿವರ್ಣ ಬಳಸಲಾಗಿದೆ ಎಂದು ಸೋಮಯಾ ದೂರಿನಲ್ಲಿ ತಿಳಿಸಿದ್ದಾರೆ.
‘ಫ್ರೀಡಂ 251’ ಸ್ಮಾರ್ಟ್ ಫೋನ್ ಬಗ್ಗೆ ಘೋಷಿಸಿದಾಗ ಗ್ರಾಹಕರು ಆನ್ಲೈನ್ನಲ್ಲಿ ಮುಗಿಬಿದ್ದು ಬುಕಿಂಗ್ ಮಾಡಿಸಿದ್ದರು. ಕಂಪನಿ ಮೋಸ ಮಾಡುತ್ತಿದೆ ಎಂಬ ಮಾತುಗಳು ಕೇಳಿ ಬಂದ ಬಳಿಕ ಆದಾಯ ತೆರಿಗೆ ಇಲಾಖೆ, ಪೊಲೀಸ್ ಇಲಾಖೆ ಕಂಪನಿಯ ಮೇಲೆ ದಾಳಿ ಮಾಡಿ ಪರಿಶೀಲನೆ ನಡೆಸಿತ್ತು.