ಈ ಸಾಲಿನ ವಿತ್ತೀಯ ವರ್ಷದ ಮೊದಲ 6ತಿಂಗಳಲ್ಲಿ, ಏಷ್ಯಾದ ಮೂರನೇ ದೊಡ್ಡ ಆರ್ಥಿಕತೆ ಶೇ. 5.5.ರಷ್ಟು ವಾರ್ಷಿಕ ಬೆಳವಣಿಗೆಯಾಗಿದೆ. 2014-15ರಲ್ಲಿ ನಿರೀಕ್ಷಿಸಿದ ಶೇ. 5.5 ಆರ್ಥಿಕ ಬೆಳವಣಿಗೆ ದರವನ್ನು ಸಾಧಿಸುವ ದಿಸೆಯಲ್ಲಿ ಭಾರತವಿದ್ದು, ಕುಸಿಯುತ್ತಿರುವ ತೈಲ ದರಗಳು ಅನೇಕ ಅನುಕೂಲಕರ ಸುಧಾರಣೆಗಳಿಗೆ ಸುವರ್ಣಾವಕಾಶ ಒದಗಿಸಿದೆ ಎಂದು ಏಷ್ಯಾ ಅಭಿವೃದ್ಧಿ ಬ್ಯಾಂಕ್ ಕೂಡ ಗುರುವಾರ ತಿಳಿಸಿದೆ.
ಅಭಿವೃದ್ಧಿ ಶೀಲ ಏಷ್ಯಾದಲ್ಲಿ 2014ರ ದ್ವಿತೀಯಾರ್ಧದಲ್ಲಿ ನಿಧಾನಗತಿಯ ನಡುವೆಯೂ ಬೆಳವಣಿಗೆಯ ದೃಷ್ಟಿಕೋನ ಸ್ಥಿರವಾಗಿದ್ದು, ಕುಸಿಯುತ್ತಿರುವ ತೈಲ ದರಗಳು ಏಷ್ಯಾದಲ್ಲಿ ಅನೇಕ ಫಲಪ್ರದ ಸುಧಾರಣೆಗಳಿಗೆ ಸುವರ್ಣಾವಕಾಶ ಒದಗಿಸಿದೆ ಎಂದು ಅದು ತಿಳಿಸಿದೆ.