ಕಂಪ್ಯೂಟರ್ ಉತ್ಪನ್ನಗಳು, ಮೊಬೈಲ್ ಫೋನ್ಗಳು, ಗೃಹೋಪಕರಣಗಳ ಕ್ಷೇತ್ರಕ್ಕೆ ಅಡಿಯಿಟ್ಟ ಇಂಟೆಕ್ಸ್ ಇತ್ತೀಚೆಗೆ ಹವಾ ನಿಯಂತ್ರಣ (ಎಸಿ) ಕ್ಷೇತ್ರಕ್ಕೂ ಅಡಿಯಿಟ್ಟಿದೆ. ಎರಡು ಇನ್ವರ್ಟರ್ ಎಸಿಗಳ ಜತೆಗೆ 18 ಮಾಡೆಲ್ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.
ಇವುಗಳ ಬೆಲೆ ರೂ.19,999ರಿಂದ 39,999 ಶ್ರೇಣಿಯಲ್ಲಿರುತ್ತದೆ ಎಂದು ಇಂಟೆಕ್ಸ್ ನಿರ್ದೇಶಕ ನಿಧಿ ಮಾರ್ಕಂಡೇಯ ತಿಳಿಸಿದ್ದಾರೆ. ಈ ಹಿಂದೆ ಬಿಡುಗಡೆ ಮಾಡಿದ ವಾಶಿಂಗ್ ಮೆಷಿನ್ಗಳು, ರೆಫ್ರಿಜರೇಟರ್ ಇನ್ನಿತರೆ ಉತ್ಪನ್ನಗಳಿಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. 2017-18ರಲ್ಲಿ ಒಂದು ಲಕ್ಷ ಎಸಿಗಳನ್ನು ಮಾರಾಟ ಮಾಡಬೇಕೆಂದು ಗುರಿ ಇಟ್ಟುಕೊಳ್ಳಲಾಗಿದೆ ಎಂದು ವಿವರ ನೀಡಿದ್ದಾರೆ.