ಲೆನೊವೊ ಇಂಡಿಯಾ ಸಂಸ್ಥೆ, ಸೆಲ್ಫಿ ಕೇಂದ್ರಿತ ವೈಬ್ ಎಸ್‌-1 ಆವೃತ್ತಿಯ ಸ್ಮಾರ್ಟ್‌ಪೋನ್ ದರವನ್ನು ಕಡಿತಗೊಳಿಸಿದೆ. ಕಳೆದ ನವೆಂಬರ್ ತಿಂಗಳಲ್ಲಿ ಮಾರುಕಟ್ಟೆಗೆ ಬಿಡುಗಡೆಯಾದಾಗ ಈ ಸ್ಮಾರ್ಟ್‌ಪೋನ್‌ಗಳ ಬೆಲೆ 15,999 ರೂಪಾಯಿಗೆ ನಿಗದಿ ಪಡಿಸಲಾಗಿತ್ತು. ಇದೀಗ ಗ್ರಾಹಕರಿಗೆ ಈ ಪೋನ್‌ಗಳು 12,999 ರೂಪಾಯಿಗಳಿಗೆ ಲಭ್ಯವಾಗಲಿದೆ.
ಲೆನೊವೊ ಇಂಡಿಯಾ ಸಂಸ್ಥೆ, ವೈಬ್ ಎಸ್‌-1 ಆವೃತ್ತಿಯ ಸ್ಮಾರ್ಟ್‌ಪೋನ್ ದರವನ್ನು ಕಡಿತಗೊಳಿಸಿರುವ ಕುರಿತು ಸೋಮವಾರ ಇಂಡಿಯಾ ಟ್ವಿಟರ್‌ನಿಂದ ಟ್ವೀಟ್ ಮಾಡಿದೆ. ಸಂಸ್ಥೆಯ ಅಧಿಕೃತ ಆನ್‌ಲೈನ್ ಮಳಿಗೆಯಲ್ಲಿ ಪ್ರಸಕ್ತವಾಗಿ ಗ್ರಾಹಕರಿಗೆ ಈ ಸ್ಮಾರ್ಟ್ಪೋನ್ಗಳು 14,999 ರೂಪಾಯಿಗಳಲ್ಲಿ ಲಭ್ಯವಿದ್ದವು.
ವೈಬ್ ಎಸ್‌-1 ಆವೃತ್ತಿಯ ಸ್ಮಾರ್ಟ್ಪೋನ್ಗಳು 5.0 ಲಾಲಿಪಾಪ್ ಆಂಡ್ರಾಯ್ಡ್, 1080x1920 ಪಿಕ್ಸೆಲ್ ರೆಸಲ್ಯೂಶನ್ ಜೊತೆಗೆ 5 ಇಂಚಿನ ಫುಲ್ ಎಚ್‌ಡಿ ಡಿಸ್‌ಪ್ಲೇ ಹೊಂದಿದೆ. ಈ ಪೋನ್‌ಗಳು 8 ಮೆಗಾ ಪಿಕ್ಸೆಲ್ ಮತ್ತು 2 ಮೆಗಾ ಪಿಕ್ಸೆಲ್ಸ್‌ನ ಡುಯಲ್ ಫ್ರಂಟ್ ಕ್ಯಾಮರಾ ವೈಶಿಷ್ಟ್ಯವನ್ನು ಹೊಂದಿದೆ.
