ದಕ್ಷಿಣ ಕೊರಿಯಾದ ಮೊಬೈಲ್ ತಯಾರಕಾ ಸಂಸ್ಥೆಯಾಗಿರುವ ಎಲ್‌ಜಿ, ತನ್ನ ಮೊದಲ ಮಾಡ್ಯುಲರ್ ಸ್ಮಾರ್ಟ್‌ಪೋನ್, ಜಿ 5 ಮಾದರಿಯನ್ನು ಇಂದು ಬಿಡುಗಡೆಗೊಳಿಸಿದೆ. ಭಾರತದಲ್ಲಿ ಜಿ 5 ಆವೃತ್ತಿ ಸ್ಮಾಟ್‌ಪೋನ್‌ಗಳನ್ನು ಮುಂದಿನ ತ್ರೈಮಾಸಿಕದಲ್ಲಿ ಬಿಡುಗಡೆಗೊಳಿಸುವ ಕುರಿತು ಸಂಸ್ಥೆ ಕಳೆದ ತಿಂಗಳಷ್ಟೇ ದೃಢಪಡಿಸಿತ್ತು.
ಎಲ್‌ಜಿ, ಜಿ5 ಮಾದರಿಯ ಪೋನ್‌ಗಳು ಹಲವು ವೈಶಿಷ್ಟ್ಯ ಹೊಂದಿದ್ದು, ಸ್ವತಂತ್ರವಾಗಿ ಅಪ್‌ಗ್ರೇಡ್ ಮತ್ತು ರಿಪ್ಲೇಸ್ ಮಾಡಬಹುದಾದ ವ್ಯವಸ್ಥೆ ಒಳಗೊಂಡಿದೆ. ತೆಗೆಯಬಲ್ಲ ಬ್ಯಾಟರಿಯೊಂದಿಗೆ, ಡ್ಯಾನಿಶ್ ಸಂಸ್ಥೆಯ ಬ್ಯಾಂಗ್ ಮತ್ತು ಒಲುಫ್ಸೆನ್ ಅಭಿವೃದ್ಧಿಪಡಿಸಿದ ಸೌಂಡ್ ಸಿಸ್ಟಮ್ ಹೊಂದಿದೆ.
