ಕೋಲ್ ಇಂಡಿಯಾದಲ್ಲಿ ಶೇ. 10 ಷೇರುಗಳ ಮಾರಾಟದಿಂದ ಸರ್ಕಾರಕ್ಕೆ 22,557,63 ಕೋಟಿ ತಂದುಕೊಡುತ್ತದೆ. ಅತ್ಯಂತ ದೊಡ್ಡ ಪ್ರಮಾಣದ ಷೇರುಗಳ ಮಾರಾಟದಲ್ಲಿ ಸರ್ಕಾರ ಕೋಲ್ ಇಂಡಿಯಾದ 63.16 ಕೋಟಿ ಷೇರುಗಳ ಮಾರಾಟದ ಆಫರ್ ನೀಡಿತ್ತು. ಆದರೆ ಹೂಡಿಕೆದಾರರು 67.52 ಕೋಟಿ ಷೇರುಗಳಿಗೆ ಬಿಡ್ಡಿಂಗ್ ಮಾಡಿದ್ದರಿಂದ ಹೆಚ್ಚಿನ ಬೇಡಿಕೆ ಉಂಟಾಗಿದೆ.
ಕೋಲ್ ಇಂಡಿಯಾ ಷೇರು ಮಾರಾಟಕ್ಕೆ ಮುಂಚಿತವಾಗಿ, ಸರ್ಕಾರ ಉಕ್ಕು ತಯಾರಿಕೆ ಸಂಸ್ಥೆ ಸೈಲ್ನ ಷೇರುಗಳ ಮಾರಾಟದಿಂದ 1715 ಕೋಟಿ ರೂ. ಸಂಗ್ರಹಿಸಿತ್ತು. ಇಲ್ಲಿಯವರೆಗೆ ಅತ್ಯಧಿಕ ಬಂಡವಾಳ ಹಿಂತೆಗೆತ ಸಂಗ್ರಹವು 2012-13ರಲ್ಲಿ 23,956 ಕೋಟಿಯಾಗಿತ್ತು.