ಅಂತಾರಾಷ್ಟ್ರೀಯ ಕಚ್ಚಾ ತೈಲದ ದರ ಸತತವಾಗಿ ಇಳಿಮುಖವಾಗುತ್ತಿರುವ ಹಿನ್ನೆಲೆಯಲ್ಲಿ ಪೆಟ್ರೋಲ್, ಡೀಸೆಲ್ ದರದಲ್ಲಿ ಮೇಲಿಂದ ಮೇಲೆ ಇಳಿಯುತ್ತಿದ್ದು, ಇಂದು ಪೆಟ್ರೋಲ್ ಲೀಟರ್ಗೆ 2 ರೂ. ಮತ್ತು ಡೀಸೆಲ್ ಲೀ. 2ರೂ ಕಡಿತ ಮಾಡಲಾಗಿದೆ.
ರಾಜ್ಯ ಲೆವಿ ಕೂಡ ಕಡಿತವಾಗಲಿದ್ದು, ರಾಜ್ಯದಿಂದ ರಾಜ್ಯಕ್ಕೆ ವ್ಯತ್ಯಾಸ ಹೊಂದಿದೆ. ಪೆಟ್ರೋಲ್ ಮತ್ತು ಡೀಸೆಲ್ ಅಂತಾರಾಷ್ಟ್ರೀಯ ದರಗಳು ಇಳಿಕೆ ಪ್ರವೃತ್ತಿಯಲ್ಲಿದ್ದು, ರೂಪಾಯಿ-ಡಾಲರ್ ವಿನಿಮಯ ದರ ಏರಿಕೆಯಾಗಿದೆ. ಇವೆರಡು ಅಂಶಗಳ ಒಟ್ಟು ಪರಿಣಾಮದಿಂದ ಪೆಟ್ರೋಲ್ ಮತ್ತು ಡೀಸೆಲ್ ಚಿಲ್ಲರೆ ದರಗಳಲ್ಲಿ ಕಡಿತ ಉಂಟಾಗಿದೆ ಎಂದು ಭಾರತೀಯ ತೈಲ ನಿಗಮ ಹೇಳಿಕೆಯಲ್ಲಿ ತಿಳಿಸಿದೆ.