ನೋಕಿಯಾ 3310...ಒಂದು ಕಾಲದಲ್ಲಿ ಮಾರುಕಟ್ಟೆಯಲ್ಲಿ ಮಹರಾಜನಂತೆ ಮೆರೆದ ಮಾಡೆಲ್. ಅದ್ಭುತವಾಗಿ ಬ್ಯಾಟರಿ ಸಾಮರ್ಥ್ಯದೊಂದಿಗೆ, ಸ್ಪಷ್ಟವಾದ ವಾಯ್ಸ್ ಕ್ಲಾರಿಟಿ ಇದ್ದ ಈ ಫೋನ್ ಗ್ರಾಹಕರ ಮೆಚ್ಚುಗೆಗೆ ಪಾತ್ರವಾಗಿತ್ತು. ಈ ಫೋನ್ ಮೂಲಕ ನೋಕಿಯಾಗೂ ಒಳ್ಳೆಯ ಬ್ರ್ಯಾಂಡ್ ನೇಮ್ ಬಂದಿತ್ತು.
ಈ ಹಿನ್ನೆಲೆಯಲ್ಲಿ ಫೆಬ್ರವರಿ 28ರಂದು ಬಾರ್ಸಿಲೋನಾದಲ್ಲಿ ನಡೆಯಲಿರುವ ಮೊಬೈಲ್ ಕಾಂಗ್ರೆಸ್ ಸಮ್ಮೇಳನದಲ್ಲಿ ಇದನ್ನು ಪ್ರದರ್ಶಿಸಲಿದೆ. ಅಲ್ಪಸ್ವಲ್ಪ ಬದಲಾವಣೆಗಳೊಂದಿಗೆ ಈ ಫೋನ್ ಮಾರುಕಟ್ಟೆಗೆ ದಾಂಗುಡಿ ಇಡಲಿದೆ. ಏನೆಲ್ಲಾ ಬದಲಾವಣೆಗಳನ್ನು ಮಾಡಿದ್ದಾರೆ ಎಂಬುದು ಗೊತ್ತಾಗಬೇಕಾದರೆ ಸ್ವಲ್ಪ ದಿನ ಕಾಯಬೇಕಾಗುತ್ತದೆ. ನೋಕಿಯಾ 3, ನೋಕಿಯಾ 5 ಹೆಸರಿನ ಇನ್ನೆರಡು ಆಂಡ್ರಾಯ್ಡ್ ಫೋನ್‌ಗಳನ್ನೂ ಕಂಪೆನಿ ಪ್ರಕಟಿಸಲಿದೆ.
