ನಟ ದಿಲೀಪ್ ಬಂಧನಕ್ಕೆ ಕಾರಣವಾಯ್ತಾ ಸೆಲ್ಫೀ..? ಮಲೆಯಾಳಿ ನಟಿಗೆ ಲೈಂಗಿಕ ಕಿರುಕುಳದ ಸ್ಫೋಟಕ ಮಾಹಿತಿ ಬಹಿರಂಗ

ಮಲೆಯಾಳಂ ನಟಿಗೆ ಲೈಂಗಿಕ ಕಿರುಕುಳ ನೀಡಿದ್ದ ಪ್ರಕರಣದಲ್ಲಿ ನಟ ದಿಲೀಪ್ ಜೈಲು ಸೇರಿದ್ದಾಗಿದೆ. ಇದೀಗ, ಈಜೊ ಪ್ರಕರಣದ ಕುತೂಹಲಕಾರಿ ಅಂಶವೊಂದು ಹೊರಬಿದ್ದಿದೆ.

ಹೌದು, ದಿಲೀಪ್ ಜೊತೆ ಸೆಲ್ಫಿ ತೆಗೆಸಿಕೊಂಡಿದ್ದ ವ್ಯಕ್ತಿಯೊಬ್ಬ ಆ ಸೆಲ್ಫಯನ್ನ ಎಲ್ಲೆಡೆ ಹೆಮ್ಮೆಯಿಂದ ಪಸರಿಸಿದ್ದ. ಈ ಸೆಲ್ಫಿಯೇ ದಿಲೀಪ್`ಗೆ ಕಂಟಕವಾಗಿದೆ.  ಶೂಟಿಂಗ್ ಸಂದರ್ಭ ಪಡೆದ ಈ ಸೆಲ್ಫಿಯಲ್ಲಿ ವ್ಯಕ್ತಿಯೊಬ್ಬ ಮೂಲೆಯಲ್ಲಿ ನಿಂತಿರುವುದು ಗೋಚರಿಸುತ್ತಿದೆ. ಅದು ಬೇರಾರೂ ಅಲ್ಲ ನಟಿಗೆ ಲೈಂಗಿಕ ಕಿರುಕುಳ ನೀಡಿದ ಪ್ರಕರಣದ ಪ್ರಮುಖ ಆರೋಪಿ ಪಲ್ಸಾರ್ ಸುನಿ.

ಈ ಸೆಲ್ಫೀ ಫೋಟೊ ಪಲ್ಸಾರ್ ಸುನಿ ಯಾರೆಂಬುದೇ ಗೊತ್ತಿಲ್ಲವೆನ್ನುತ್ತಿದ್ದ  ನಟ ದಿಲೀಪ್ ಬಣ್ಣವನ್ನ ಬಯಲು ಮಾಡಿತ್ತು. ಪಲ್ಸಾರ್ ಸುನಿ ಜೊತೆ ದಿಲೀಪ್ ಸ್ನೇಹ ಹೊಂದಿರುವುದರ ಸ್ಪಷ್ಟ ಸುಳಿವು ನೀಡಿತ್ತು ಸೆಲ್ಫಿ. ಸೆಲ್ಫಿ ಜಾಡು ಹಿಡಿದು ಪಲ್ಸಾರ್ ಸುನಿಯನ್ನ ವಶಕ್ಕೆ ಪಡೆದು ತನಿಖೆ ನಡೆಸಿದಾಗ ನಟಿಯನ್ನ ಅಪಹರಿಸಿ ಲೈಂಗಿಕ ಕಿರುಕುಳ ನೀಡಲು ಹೋಟೆಲ್`ವೊಂದರಲ್ಲಿ ರೂಪಿಸಿದ ಸಂಚು ಹೊರಗೆ ಬಂದಿದೆ. ಸುನಿ ಹೇಳಿಕೆ ಮೇರೆಗೆ ನಟನನ್ನ ಬಂಧಿಸಿರುವ ಪೊಲಿಸರಿಗೆ ವಿಚಾರಣೆ ನಡೆಸುತ್ತಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ