ನಟ ದುನಿಯಾ ವಿಜಯ್ ಮೇಲಿನ ನಿಷೇಧ ತೆರವು

ಮಾಸ್ತಿಗುಡಿ ದುರಂತಕ್ಕೆ ಸಂಬಂಧಿಸಿದಂತೆ ನಟ ದುನಿಯಾ ವಿಜಯ್, ಸಾಹಸ ನಿರ್ದೇಶಕ ರವಿ ವರ್ಮಾ ಮತ್ತು ನಿರ್ದೇಶಕ ನಾಗಶೇಖರ್ ಅವರಿಗೆ ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ನಿಷೇಧ ಹೇರಿತ್ತು. ಈಗ ಆ ನಿಷೇಧವನ್ನು ತೆರವುಗೊಳಿಸಲಾಗಿದೆ.

ಇನ್ನು ಮುಂದೆ ಅವರು ಚಿತ್ರಗಳಲ್ಲಿ ಅಭಿನಯಿಸಬಹುದು, ನಿರ್ದೇಶಿಸಬಹುದು. ನವೆಂಬರ್ 8ರಂದು ಮಾಸ್ತಿಗುಡಿ ದುರಂತದಲ್ಲಿ ಹೆಲಿಕಾಪ್ಟರ್‍‌ನಿಂದ ಧುಮುಕಿ ಅನಿಲ್ ಮತ್ತು ಉದಯ್ ಸಾವಪ್ಪಿದ್ದರು. ಈ ಘಟನೆಗೆ ಸಂಬಂಧಿಸಿದಂತೆ ದುನಿಯಾ ವಿಜಯ್, ರವಿವರ್ಮಾ ಮತ್ತು ನಾಗಶೇಖರ್ ಅವರನ್ನು ಚಿತ್ರರಂಗದಿಂದ ನಿಷೇಧಿಸಲಾಗಿತ್ತು. 

ನಾಗಶೇಖರ್, ಚಿತ್ರದ ನಿರ್ಮಾಪಕ ಸುಂದರ್ ಪಿ ಗೌಡರನ್ನು ಪೊಲೀಸರು ಬಂಧಿಸಿದ್ದರಿಂದ ಮಾಸ್ತಿಗುಡಿ ಚಿತ್ರದ ನಿರ್ಮಾಣ ಕೆಲಸಕ್ಕೆ ಹೊಡೆತ ಬಿದ್ದಿತ್ತು. ಇದೀಗ ಚಿತ್ರತಂಡ ಮತ್ತೆ ಮಾಸ್ತಿಗುಡಿಯನ್ನು ಶುರು ಮಾಡುತ್ತಿದೆ. ಚಿತ್ರವನ್ನು ಮುಗಿಸುವುದರ ಜೊತೆಗೆ ಮೃತಪಟ್ಟ ನಟರ ಕುಟುಂಬಕ್ಕೂ ನೆರವಾಗುವುದಾಗಿ ಹೇಳಿದ್ದಾರೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.