ಹೈದರಾಬಾದ್: ಜ್ಯೂ.ಎನ್ ಟಿಆರ್ ಮತ್ತು ಕಾಂತಾರ ಸ್ಟಾರ್ ರಿಷಬ್ ಶೆಟ್ಟಿಗೆ ಒಂದು ರೀತಿಯಲ್ಲಿ ಹೋಲಿಕೆಯಿದೆ. ಗಡ್ಡ ಬಿಟ್ಟುಕೊಂಡರೆ ಇಬ್ಬರೂ ಒಂದೇ ಥರಾ ಕಾಣಿಸ್ತಾರೆ ಎಂದು ಹಲವು ಬಾರಿ ನೆಟ್ಟಿಗರು ಹೇಳಿದ್ದಿದೆ.
ಈಗ ಇದು ಮತ್ತೊಮ್ಮೆ ಸಾಬೀತಾಗಿದೆ. ಜ್ಯೂ.ಎನ್ ಟಿಆರ್ ನಾಯಕರಾಗಿರುವ ದೇವರ ಸಿನಿಮಾದ ಫೋಟೋವೊಂದು ಆನ್ ಲೈನ್ ನಲ್ಲಿ ಪ್ರಕಟವಾಗಿದೆ. ಈ ಫೋಟೋದಲ್ಲಿ ಜ್ಯೂ.ಎನ್ ಟಿಆರ್ ಸೇಮ್ ಟು ಸೇಮ್ ಕಾಂತಾರದಲ್ಲಿ ರಿಷಬ್ ಶೆಟ್ಟಿ ಕಾಣಿಸಿದಂತೇ ಕಾಣುತ್ತಿದ್ದಾರೆ.
ಕುರುಚಲು ಗಡ್ಡ, ಗುಂಗುರು ಕೂದಲು, ಹೆಗಲ ಮೇಲೊಂದು ಶಾಲು ಹಾಕಿಕೊಂಡು ರಿಷಬ್ ಕಾಂತಾರದಲ್ಲಿ ಹೇಗೆ ಕಾಣಿಸ್ತಿದ್ದಾರೋ ಅದೇ ರೀತಿ ಜ್ಯೂ.ಎನ್ ಟಿಆರ್ ದೇವರ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಫೋಟೋವನ್ನು ನೋಡಿ ನೆಟ್ಟಿಗರು ಇದು ರಿಷಬ್ ಶೆಟ್ಟಿನಾ ಅಂತ ಕನ್ ಫ್ಯೂಸ್ ಮಾಡಿಕೊಂಡಿದ್ದಾರೆ.
ಗೋವಾದಲ್ಲಿ ದೇವರ ಸಿನಿಮಾ ಶೂಟಿಂಗ್ ನಡೆಯುತ್ತಿದ್ದು, ಶೂಟಿಂಗ್ ಸೆಟ್ ನಲ್ಲಿ ಜ್ಯೂ.ಎನ್ ಟಿಆರ್ ಇರುವ ಫೋಟೋ ಇದಾಗಿದೆ. ಇದನ್ನು ನೋಡಿ ಜ್ಯೂ.ಎನ್ ಟಿಆರ್ ಕಾಂತಾರ 2 ಸೆಟ್ ಗೆ ಬಂದಿದ್ದಾರೆ ಎಂದು ಹಲವರು ತಮಾಷೆ ಮಾಡಿದ್ದಾರೆ.
