ಜನ ಸಾಮಾನ್ಯರಲ್ಲಿ ಸೂಕ್ತ ಮಾಹಿತಿ ನೀಡುವ ಮೂಲಕ ಏಡ್ಸ್ ನಿಯಂತ್ರಣಕ್ಕೆ ಮುಂದಾಗಬೇಕು ಎಂದು ನಟಿ ಪೂಜಾ ಗಾಂಧಿ ಯುವ ಜನಾಂಗಕ್ಕೆ ಕರೆ ನೀಡಿದ್ದಾರೆ.
ಸೋಮವಾರ ನಗರದ ಚಾಂದಿನಿ ಹಾಲ್‌ನಲ್ಲಿ ಮನೆ, ಮನೆಗೆ ತೆರಳಿ ಏಡ್ಸ್ ಜನ ಜಾಗೃತಿ ಆಂದೋಲನಕ್ಕೆ ವಿಧ್ಯುಕ್ತ ಚಾಲನೆ ನೀಡಿದರು. ಎಚ್ಐವಿ ಸೋಂಕಿತ ಮತ್ತು ಏಡ್ಸ್ ಬಾಧಿತರನ್ನು ಯುವ ಜನಾಂಗ ಸೇರಿದಂತೆ ಇಡೀ ಸಮಾಜ ಪ್ರೀತಿಯಿಂದ ಕಾಣಬೇಕು ಎಂದು ಸಲಹೆ ನೀಡಿದರು.
ಎಚ್ಐವಿ, ಏಡ್ಸ್ ರೋಗಕ್ಕಿಂತಲೂ ಸಮಾಜ ಎಚ್ಐವಿ ಬಾಧಿತರನ್ನು ಕೀಳು ಭಾವನೆಯಿಂದ ಕಾಣುವುದೇ ಹೆಚ್ಚು ಅಪಾಯ. ಇದರಿಂದ ಎಚ್ಐವಿ ಪೀಡಿತರು ಮಾನಸಿಕ ಯಾತನೆ ಅನುಭವಿಸುತ್ತಿದ್ದಾರೆ. ಆದ್ದರಿಂದ ಯುವ ಜನಾಂಗ ಜನರಲ್ಲಿನ ತಪ್ಪು ಕಲ್ಪನೆ ನಿವಾರಿಸಲು ಏಡ್ಸ್ ಜನ ಜಾಗೃತಿ ಆಂದೋಲನದಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಳ್ಳಬೇಕು ಎಂದರು.
