ಕಕನಕಪುರದ ಶೇ. 66.67 ಮತದಾನ 73.29ಕ್ಕೆ ಜಂಪ್ ಆಗಿದ್ದು ಹೇಗೆ?
ಶುಕ್ರವಾರ, 23 ಆಗಸ್ಟ್ 2013 (19:28 IST)
PR
PR
ಕನಕಪುರ: ಕನಕಪುರ ವಿಧಾನಸಭೆ ಕ್ಷೇತ್ರ ವ್ಯಾಪ್ತಿಯ ಮತಎಣಿಕೆಯಲ್ಲಿ ಯಾವುದೇ ಗೊಂದಲವಿಲ್ಲ, ಮತದಾರರ ಸಂಖ್ಯೆ ಸರಿಯಿದೆ ಎಂದು ಬೆಂಗಳೂರು ಗ್ರಾಮಾಂತರ ಕ್ಷೇತ್ರದ ಚುನಾವಣಾಧಿಕಾರಿಯಾಗಿದ್ದ ರಾಮನಗರ ಡಿಸಿ ಶ್ರೀರಾಮರೆಡ್ಡಿ ಶುಕ್ರವಾರ ಹೇಳಿಕೆ ನೀಡಿದ್ದಾರೆ. ಕನಕಪುರ ಕ್ಷೇತ್ರದಲ್ಲಿ ಮೊದಲಿಗೆ 66.67 ಮತದಾನವಾಗಿದೆ ಎಂದು ಹೇಳಿಕೆ ನೀಡಿದ ನಂತರ ಹೇಳಿಕೆ ಬದಲಾಯಿಸಿ ಶೇ. 73. 29ರಷ್ಟು ಮತದಾನವಾಗಿದೆ ಎಂದು ಹೇಳಿಕೆ ನೀಡಲಾಯಿತು. ಈ ಕುರಿತು ಚುನಾವಣೆ ಆಯೋಗಕ್ಕೆ ಗ್ರಾಮಾಂತರ ಕ್ಷೇತ್ರದ ಜೆಡಿಎಸ್ ಅಭ್ಯರ್ಥಿ ಅನಿತಾ ಕುಮಾರಸ್ವಾಮಿ ದೂರು ನೀಡಿದ ಹಿನ್ನೆಲೆಯಲ್ಲಿ ಶ್ರೀರಾಮರೆಡ್ಡಿ ಮೇಲಿನ ಸ್ಪಷ್ಟನೆ ನೀಡಿದ್ದಾರೆ.
ಈ ಕುರಿತು ಅನಿತಾ ಕುಮಾರಸ್ವಾಮಿಯವರನ್ನು ಮಾಧ್ಯಮ ಪ್ರಶ್ನಿಸಿದಾಗ, ಬೇರೆ ವಿಧಾನಸಭೆ ಕ್ಷೇತ್ರದ ವ್ಯಾಪ್ತಿಯಲ್ಲಿ ಆ ರೀತಿ ಹೇಳಿಕೆ ನೀಡದೇ ಕನಕಪುರ ವಿಧಾನಸಭೆ ಕ್ಷೇತ್ರದ ವ್ಯಾಪ್ತಿಯಲ್ಲಿ ಮಾತ್ರ ಶೇ. 66.67 ಮತದಾನವಾಗಿದೆ ಅಂತೇಳಿ ನಂತ್ರ ಶೇ. 73.29 ಎಂದು ಬದಲಾಯಿಸಿದ್ದಾರೆ. ಆದ್ದರಿಂದ ಈ ಕುರಿತು ತಾವು ಪ್ರಶ್ನಿಸಿದ್ದಾಗಿ ಅನಿತಾ ಹೇಳಿದ್ದಾರೆ.
