ಹಿರಿಯ ನಟಿ ಕಣ್ಣೀರಿಗೆ 1 ಲಕ್ಷ ನೀಡಿದ ರಾಧಿಕಾ ಕುಮಾರಸ್ವಾಮಿ.
ಮಂಗಳವಾರ, 22 ಅಕ್ಟೋಬರ್ 2013 (12:18 IST)
PR
PR
ಹಿರಿಯ ನಟಿ ಶಾಂತಮ್ಮನವರ ಸಂಕಷ್ಟಕ್ಕೆ ಕನ್ನಡ ಸಿನಿ ತಾರೆಯರ ಹೃದಯ ಮಿಡಿದಿದೆ. ಶಾಂತಮ್ಮನವರ ಆರ್ಥಿಕ ಪರಿಸ್ತಿತಿಯನ್ನು ಅರಿತ ದುನಿಯಾ ವಿಜಯ್‌ 50 ಸಾವಿರ ರೂಪಾಯಿಗಳನ್ನು ನೀಡಿದ ಬೆನ್ನಲ್ಲಿಯೇ, ಇದೀಗ ರಾಧಿಕಾ ಕುಮಾರಸ್ವಾಮಿಯವರು ಹೃದಯ ವೈಶಾಲ್ಯತೆ ಮೆರೆದಿದ್ದಾರೆ. 1 ಲಕ್ಷ ರೂಪಾಯಿಗಳನ್ನು ಶಾಂತಮ್ಮನವರಿಗೆ ನೀಡುವುದರ ಮೂಲಕ ಆರ್ಥಿಕವಾಗಿ ನೆರವಾಗಿದ್ದಾರೆ.
ಶಾಂತಮ್ಮನವರ ಪರಿಸ್ಥಿತಿಯನ್ನು ಮಾಧ್ಯಮಗಳ ಮೂಲಕ ತಿಳಿದುಕೊಂಡಿದ್ದೇನೆ. ಇಂದು ಮುಂಜಾನೆ ಸಿಎಂ ಗೃಹ ಕಛೆರಿ ಕೃಷ್ಣಾದಲ್ಲಿ ಆಯೋಜಿಸಲಾಗಿದ್ದ ಜನತಾದರ್ಶನಲ್ಲಿ ಅವರು ಕಣ್ಣೀರಿಟ್ಟಿದ್ದು ನೋಡಿ ನನಗೆ ಕಣ್ಣೀರು ಬಂತು. ನಾನು ಅವರೊಂದಿಗೆ ಸಿನೆಮಾದಲ್ಲಿ ಅಭಿನಯಿಸಿದ್ದೇನೆ. ಅವರು ಮೃದು ಸ್ವಭಾವದವರು. ಅವರ ಸಂಕಷ್ಟಗಳಿಗೆ ನಾವೆಲ್ಲರೂ ಇದ್ದೇವೆ. ಯಾವುದೇ ರೀತಿಯ ಸಹಾಯವನ್ನು, ಯಾವುದೇ ಸಮಯದಲ್ಲಿ ಬೇಕಾದರೂ ನಾನು ಮಾಡುತ್ತೇನೆ" ಎಂದು ಹೇಳುವುದರ ಮೂಲಕ ರಾಧಿಕಾ ಕುಮಾರಸ್ವಾಮಿಯವರು ಶಾಂತಮ್ಮನವರಿಗೆ ಆರ್ಥಿಕವಾಗಿ ಬೆನ್ನೆಲುಬಾಗಿ ನಿಲ್ಲುವ ಭರವಸೆಯನ್ನು ನೀಡಿದ್ದಾರೆ.
