ಶಿವಮೊಗ್ಗದ ಎಸ್‌ಬಿಎಂ ಶಾಖೆಯಲ್ಲಿ 36 ಲಕ್ಷ ರೂ. ದರೋಡೆ

ಶಿವಮೊಗ್ಗದ  ಮಾಚೇನಹಳ್ಳಿ ಎಸ್‌ಬಿಎಂ ಶಾಖೆಯಲ್ಲಿ ಲಕ್ಷಾಂತರ ರೂ. ನಗದು ಹಣ ಮತ್ತು 6.5 ಕೆಜಿ ಚಿನ್ನವನ್ನು ದೋಚಿ ದರೋಡೆಕೋರರು  ಪರಾರಿಯಾಗಿದ್ದಾರೆ. ಸಿಸಿಟಿವಿ ಕ್ಯಾಮೆರಾದ ವೈರ್‌ಗಳನ್ನು ಕತ್ತರಿಸಿ ಬ್ಯಾಂಕ್ ಕಟ್ಟಡದ ಹಿಂಭಾಗದಲ್ಲಿ ಗೋಡೆಯನ್ನು ಕೊರೆದು 36 ಲಕ್ಷ ರೂ. ನಗದು ಹಣ ಮತ್ತು ಚಿನ್ನವನ್ನು ದೋಚಿದ್ದಾರೆ.

ಸಿಸಿಟಿವಿ ಕ್ಯಾಮೆರಾದ ಸಂಪರ್ಕ ಕಡಿದಿದ್ದರಿಂದ ಕಳ್ಳರ ಬಗ್ಗೆ ಯಾವುದೇ ಸುಳಿವು ಸಿಕ್ಕಿಲ್ಲ. ನಿನ್ನೆ ರಜಾದಿನವಾದ್ದರಿಂದ ಕಳ್ಳರು ಯಾವುದೇ ತೊಡಕಿಲ್ಲದೇ ಸುಸೂತ್ರವಾಗಿ ದರೋಡೆ ಮಾಡಿ ಪರಾರಿಯಾಗಿದ್ದಾರೆ.

ಅಕ್ಕಪಕ್ಕದ ಮನೆಯವರಿಗಾಗಲಿ ಅಥವಾ ಅಂಗಡಿ ಮಾಲೀಕರಿಗಾಗಲಿ ಬ್ಯಾಂಕ್ ಶಾಖೆಗೆ ಕಳ್ಳರು ನುಗ್ಗಿದ ಬಗ್ಗೆ ಸುಳಿವೇ ಸಿಕ್ಕಲಿಲ್ಲ. ರಾತ್ರಿ ವೇಳೆ ಜನಸಂಚಾರ ವಿರಳವಾಗಿದ್ದು ಕಳ್ಳರಿಗೆ ಸಲೀಸಾಗಿ ದರೋಡೆ ಮಾಡಲು ನೆರವಾಯಿತು.