ಕಳೆದ ರಾತ್ರಿ 11.30 ರ ಸುಮಾರಿಗೆ ಈ ಘಟನೆ ನಡೆದಿದೆ. ಇಂದಿರಾನಗರದ ನಿವಾಸಿಯಾದ ಯುವತಿಯೋರ್ವಳು ತನ್ನ 5 ಜನ ಸ್ನೇಹಿತೆಯರೊಂದಿಗೆ ಎಮ್ ಜಿ ರೋಡ್‌‌ನ ಜೊಯ್ ಅಲುಕಾಸ್ ಒಂದರ ಬಳಿ ನಿಂತಿದ್ದರು. ಅವರ ಕಾರ್ ಚಾಲಕ ಐಸ್ ಕ್ರೀಮ್ ತರಲು ಹೋದಾಗ ಅಲ್ಲಿಗೆ ಬಂದ ಮೂವರು ಯುವಕರು 15 ನಿಮಿಷಗಳ ಕಾಲ ಯುವತಿಯರ ಕಡೆ ದೃಷ್ಟಿ ನೆಟ್ಟು ನೋಡಿದ್ದಾರೆ ಮತ್ತು ಫೋಟೋ ತೆಗೆದುಕೊಳ್ಳಲು ಪ್ರಯತ್ನಿಸಿದ್ದಾರೆ. ಇದರಿಂದ ಬೆದರಿದ ಯುವತಿಯರು ಕಾರ್ ಒಳಗೆ ಹೋಗಿ ಸೆಂಟ್ರಲ್ ಲಾಕ್ ಮಾಡಿಕೊಂಡು ಕುಳಿತಾಗ ಮತ್ತಿಬ್ಬರು ಯುವಕರೊಂದಿಗೆ ಅಲ್ಲಿಗೆ ಬಂದ ಯುವಕರು ಬ್ಲೇಡ್ ತೋರಿಸಿ ಕಾರ್ ಡೋರ್ ತೆಗೆಯುವಂತೆ ಬೆದರಿಕೆ ಹಾಕಿದ್ದಾರೆ.
