ಹೌದು, ಅಂತಹ ಅಪರೂಪದ ಸಂಗತಿ ಬೀದರ್ ಜಿಲ್ಲೆಯಲ್ಲಿ ಕಂಡು ಬಂದಿದ್ದು, ಬಿ.ಎಡ್ ಶಿಕ್ಷಣಾರ್ಥಿಗಳೇ ಯಾವುದೇ ಅಂಜಿಕೆ, ಅಳುಕಿಲ್ಲದೆ ಪರೀಕ್ಷಾ ಕೊಠಡಿಯಲ್ಲಿ ನಕಲು ಮಾಡಿದ್ದಾರೆ. ಈ ಸಂಗತಿಯು ನಗರದ ಪ್ರತಾಪನಗರದಲ್ಲಿರುವ ವಿದ್ಯಾವಿಕಾಸ ಎಂಬ ಬಿ.ಎಡ್ ಕಾಲೇಜಿನಲ್ಲಿ ನಡೆದಿದ್ದು, ಪರೀಕ್ಷಾ ಕೊಠಡಿಯ ಮೇಲ್ವಿಚಾರಕರ ಸಮ್ಮುಖದಲ್ಲಿಯೇ ರಾಜಾರೋಷವಾಗಿ ನಕಲು ಕಾರ್ಯ ನಡೆದಿದೆ.
ಇನ್ನು 200ಕ್ಕೂ ಅಧಿಕ ಮಂದಿ ವಿದ್ಯಾರ್ಥಿಗಳು ಈ ಸಾಮೂಹಿಕ ನಕಲು ಪ್ರಕ್ರಿಯೆಯಲ್ಲಿ ತೊಡಗಿದ್ದು, ವಿದ್ಯಾರ್ಥಿಗಳ ವಿರುದ್ಧ ಸರ್ಕಾರ ಮುಂದೆ ಯಾವ ರೀತಿಯ ಕ್ರಮವನ್ನು ತೆಗೆದುಕೊಳ್ಳಲಿದೆ ಎಂಬುದನ್ನು ಕಾದು ನೋಡಬೇಕಿದೆ. ಬಿ.ಎಡ್ ಪರೀಕ್ಷೆಯು ನಿನ್ನೆಯಿಂದ ಆರಂಭವಾಗಿದ್ದು, ಮುಂದಿನ ಜುಲೈ 28ರ ವರೆಗೆ ನಡೆಯಲಿದೆ.
