ಸೊಸೆಯ ಮೇಲೆ ಮಾವನೇ ಅತ್ಯಾಚಾರಕ್ಕೆ ಯತ್ನಿಸಿ, ಪ್ರತಿಭಟಿಸಿದ್ದಕ್ಕೆ ಸೀಮೆಎಣ್ಣೆ ಹಾಕಿ ಜೀವಂತ ದಹಿಸಲು ಯತ್ನಿಸಿದ ಹೇಯ ಘಟನೆ ಬೆಂಗಳೂರಿನ ಕಾಟನ್ಪೇಟೆಯಲ್ಲಿ ನಡೆದಿದೆ. ಮತ್ತೂ ಅಸಹ್ಯಕರ ಸಂಗತಿ ಎಂದರೆ ಈ ದುಷೃತ್ಯಕ್ಕೆ ಸ್ವತಃ ಆತನ ಮಗ, ಪೀಡಿತಳ ಗಂಡನೇ ಸಹಕಾರ ನೀಡಿದ್ದಾನೆ.
ಹಿಂದಿನಿಂದಲೂ ಮಾವ ತನ್ನನ್ನು ವಕ್ರ ದೃಷ್ಟಿಯಿಂದ ನೋಡುತ್ತಿದ್ದ. ಹೀಗಾಗಿ ತವರು ಸೇರಿದ್ದ ನಾನು 15 ದಿನಗಳ ಹಿಂದಷ್ಟೇ ಪತಿಯ ಮನೆಗೆ ಮರಳಿದ್ದೆ. ಆದರೆ ತನ್ನ ಹಳೆಯ ಚಾಳಿಯನ್ನು ಮುಂದುವರೆಸಿದ ಮಾವನಿಗೆ ಪತಿ ಕೂಡ ಸಹಕಾರ ನೀಡುತ್ತಿದ್ದ. ಇಂದು ನನ್ನ ಮೇಲೆ ಅತ್ಯಾಚಾರಕ್ಕೆ ಪ್ರಯತ್ನಿಸಿ ವಿರೋಧಿಸಿದ್ದಕ್ಕೆ ಸುಟ್ಟು ಕೊಲ್ಲಲು ಯತ್ನಿಸಲಾಗಿದೆ ಎಂದು ಪೀಡಿತೆ ದೂರಿನಲ್ಲಿ ತಿಳಿಸಿದ್ದಾಳೆ.