ಬಿಬಿಎಂಪಿ ಆಯುಕ್ತರ ನಕಲಿ ಸಹಿ ಮಾಡಿ 1.19 ಕೋಟಿ ಕಬಳಿಕೆ ಯತ್ನ

ಬಿಬಿಎಂಪಿ ಆಯುಕ್ತರ ನಕಲಿ ಸಹಿ ಮಾಡಿ 1.19 ಕೋಟಿ ಕಾಮಗಾರಿ ಹಣ ಪಡೆಯಲು ಕಾಂಗ್ರೆಸ್ ಕಾರ್ಯಕರ್ತ ಪ್ರಯತ್ನಿಸಿದ್ದಾರೆ ಎಂದು ಬಿಜೆಪಿ ಕಾರ್ಪೊರೇಟರ್  

ರಮೇಶ್ ಆರೋಪ ಮಾಡಿದ್ದಾರೆ.

ಕಾಂಗ್ರೆಸ್ ಕಾರ್ಯಕರ್ತ ಸಾದಿಕ್ ಆಯುಕ್ತರ ರಬ್ಬರ್ ಸ್ಟಾಂಪ್ ಮೂಲಕ ನಕಲಿ ಸಹಿ ಮಾಡಿ 1 ಕೋಟಿ 19 ಲಕ್ಷ ರೂ. ಗುತ್ತಿಗೆ ಕಾಮಗಾರಿಯ ಹಣ  ಪಡೆಯಲು ಪ್ರಯತ್ನಿಸಿದ್ದಾರೆ. ದಾಸರಹಳ್ಳಿ ವಿಭಾಗದ ನಾಲ್ಕು ಪುಟಗಳ ಪತ್ರಕ್ಕೆ ನಕಲಿ ಸಹಿಹಾಕಿದ್ದು, ಈ ಪ್ರಕರಣದಲ್ಲಿ ಬಿಬಿಎಂಪಿಯ ಕೆಲವು ನೌಕರರು ಕೂಡ ಭಾಗಿಯಾಗಿದ್ದಾರೆಂದು ರಮೇಶ್ ಆರೋಪಿಸಿದ್ದಾರೆ.

ಕಾಮಗಾರಿಯ ಮೂಲದ ಬಗ್ಗೆ ಫೈಲ್‌ನಲ್ಲಿ ಉಲ್ಲೇಖವಿಲ್ಲ ಎಂದು ರಮೇಶ್ ಹೇಳಿದ್ದಾರೆ. ಆಯುಕ್ತರ ಗಮನಕ್ಕೂ ಈ ವಿಷಯವನ್ನು ತರಲಾಗಿದೆ ಎಂದು ನುಡಿದರು.