ಮೂರು ದಿನಗಳ ಹಿಂದೆ ವಯಕ್ತಿಕ ಕಾರಣ ನೀಡಿ ನಾಲ್ಕು ಸಾಲಿನ ರಾಜೀನಾಮೆ ಬರೆದಿಟ್ಟು ಹೋಗಿದ್ದ ಅನುಪಮಾ ಕೂಡ್ಲಿಗಿ ಡಿವೈಎಸ್‌ಪಿ ಅನುಪಮಾ ಶೆಣೈ ಫೇಸ್‌ಬುಕ್ ಸಮರ ಇಂದು ಕೂಡ ಮುಂದುವರೆದಿದೆ.
ನಿನ್ನೆಯಷ್ಟೇ ಪರಮೇಶಿ ಪ್ರೇಮ ಪ್ರಸಂಗದ ಸಿಡಿ ಬಿಡುಗಡೆ ಮಾಡ್ತೀನಿ ಎಂದು ಸ್ಟೇಟಸ್ ಹಾಕಿದ್ದ ಅವರು ಇಂದು *CD ಬಿಡುಗಡೆ ಮಾಡ್ತೀನಿ ಅಂದ್ರೆ ಕೊಲೆ ಬೆದರಿಕೆ ಹಾಕ್ತೀರಾ?! ದೆವ್ವವಾಗಿ ಬಂದು ಕಾಡ್ತೀನಿ* ಎಂದು ಎಚ್ಚರಿಕೆ ನೀಡಿದ್ದಾರೆ.
ಜತೆಗೆ ತಮಗೆ ಬೆಂಬಲ ವ್ಯಕ್ತ ಪಡಿಸಿದ ಡಿಐಜಿ ಅವರಿಗೆ ಧನ್ಯವಾದಗಳನ್ನರ್ಪಿಸಿ ಅವರು ಹಾಕಿರುವ ಸ್ಟೇಟಸ್ ಹೀಗಿದೆ-
*ಧನ್ಯವಾದಗಳು ರೂಪಾ ಮೇಡಮ್. ಈ ಇಲಾಖೆಯಲ್ಲಿ ಧೈರ್ಯ ಅನ್ನೋದು ಕೇವಲ ಹೆಂಗಸರಿಗೆ ಮಾತ್ರ ಇರೋದೇನೊ. ಮಹಿಳೆಯಾಗಿ ನಾವಿಬ್ಬರೂ ಅನುಭವಿಸಿರುವ ನೋವು ಒಂದೇ. ಆದರೆ ಅಧಿಕಾರಿಗಳಾಗಿ ವ್ಯತಾಸವಿದೆ. ನೀವು IPS, ನಾನು ಬಡಾಪಾಯಿ KSPS.
#ಬೃಹನ್ನಳೆಯರು.*
ಅಷ್ಟೇ ಅಲ್ಲದೆ ತಮ್ಮ ಹೋರಾಟಕ್ಕೆ ದನಿಯಾಗಿ, ಅದನ್ನು ಹಾದರವಾಗಿಸದಿರಿ ಎಂದು ಮಾಧ್ಯಮಗಳಿಗೆ ಮನವಿ ಮಾಡಿ ಮತ್ತೊಂದು ಪೋಸ್ಟ್‌ನ್ನು ಅವರು ಪ್ರಕಟಿಸಿದ್ದಾರೆ.
*ಮಾಧ್ಯಮ ಮಿತ್ರರೇ, ಜನದನಿಯಾಗಿರಿ. TRPಗಾಗಿ ನನ್ನ ಹೋರಾಟವನ್ನು ಹಾದರವಾಗಿಸದಿರಿ. ನನ್ನ ದನಿಯನ್ನು ಜನರಿಗೆ ತಲುಪಿಸುವ ಕೆಲಸ ಮಾಡಿ. ನನ್ನ ಈ ಹೋರಾಟದ ಕಥೆಯಲ್ಲಿ ಜನ ಹೀರೋ ಆಗಬೇಕು.
#ನ್ಯೂಸೂ......
#Pressti.......*
ರಾಜೀನಾಮೆ ನೀಡಿದ ದಿನದಿಂದ ಈವರೆಗೆ ಅನುಪಮಾ ಅವರು ಯಾರ ಸಂಪರ್ಕಕ್ಕೂ ಸಿಗುತ್ತಿಲ್ಲ. ಆದರೆ ಫೇಸ್‌ಬುಕ್‌ನಲ್ಲಿ ಎಕ್ಟಿವ್ ಆಗಿರುವ ಅವರು ಒಂದರ ಹಿಂದೆ ಒಂದು ಪೋಸ್ಟಿಂಗ್, ಸ್ಟೇಟಸ್ ಪ್ರಕಟಿಸುವುದರ ಮೂಲಕ ಇಡೀ ಆಡಳಿತ ವ್ಯವಸ್ಥೆಯ ವಿರುದ್ಧ ಸಿಡಿದೆದ್ದಿದ್ದಾರೆ.
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.
