ಡಿವೈಎಸ್‌ಪಿ ಕಲ್ಲೇಶಪ್ಪ ಅವರು ಮಂಗಳವಾರ ರಾತ್ರಿ ಮಧುಗಿರಿಯಿಂದ ಪಾವಗಡಕ್ಕೆ ಖಾಸಗಿ ಕಾರಿನಲ್ಲಿ ತೆರಳುತ್ತಿದ್ದರು. ಈ ವೇಳೆ ಕಾರು ಅಡ್ಡಗಟ್ಟಿದ ಪಾನಮತ್ತ ಯುವಕರು ಡಿವೈಎಸ್‌ಪಿ ಕಲ್ಲೇಶಪ್ಪನವರ ಕಾರು ಚಾಲಕನಿಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾರೆ. ಆ ಸಮಯದಲ್ಲಿ ಕಲ್ಲೇಶಪ್ಪನವರು ನಾನು ಡಿವೈಎಸ್‌ಪಿ ಎಂದು ಹೇಳಿದರೂ ಪಾನಮತ್ತ ಯುವಕರು ಕೇಳುವ ಸ್ಥಿತಿಯಲ್ಲಿರಲಿಲ್ಲ. ಆಗ ಕಾರಿನಿಂದ ಇಳಿದ ಡಿವೈಎಸ್‌ಪಿ ಅವರು ಯುವಕರ ತಂಡವನ್ನು ಹೊಡೆದು ಹಿಡಿಯಲು ಯತ್ನಿಸಿದ್ದರು ಎನ್ನಲಾಗಿದೆ.
