ಹಾಸನದಲ್ಲಿ ಬಾಣಂತಿ ರೂಪಾ ಸಾವಿನಿಂದ ಸಂಬಂಧಿಕರು ವೈದ್ಯರ ವಿರುದ್ಧ ರೊಚ್ಚಿಗೆದ್ದು ಆಸ್ಪತ್ರೆ ಎದುರು ಪ್ರತಿಭಟನೆ ನಡೆಸಿದ ಘಟನೆ ನಡೆದಿದೆ. ಹಾಸನ ಜಿಲ್ಲಾಸ್ಪತ್ರೆಯಲ್ಲಿ ರೂಪಾ ಹೆರಿಗೆ ಸಲುವಾಗಿ ಸೇರಿದ್ದರು. ವೈದ್ಯೆ ಶೃತಿ ರೂಪಾಗೆ ಅನಸ್ತೇಶಿಯಾ ನೀಡಿದ್ದರು.
ಆದರೆ ಅನಸ್ತೇಶಿಯಾ ನೀಡಿದ ಬಳಿಕ ರೂಪಾ ಸಾವನ್ನಪ್ಪಿದ್ದರು. ಅನಸ್ತೇಶಿಯಾ ಓವರ್‌ಡೋಸ್ ಆಗಿದ್ದರಿಂದ ರೂಪಾ ಸಾವನ್ನಪ್ಪಿದ್ದಾರೆ ಎಂದು ಸಂಬಂಧಿಕರು ಆರೋಪಿಸಿ ಆಸ್ಪತ್ರೆ ಎದುರು ಪ್ರತಿಭಟನೆ ಹಮ್ಮಿಕೊಂಡಿದ್ದಾರೆ.
ರೂಪಾಗೆ ಆಪರೇಷನ್ ಮಾಡಿದ ವೈದ್ಯ ರಘುಪತಿ ಮತ್ತು ಅನಸ್ತೇಶಿಯಾ ನೀಡಿದ ವೈದ್ಯೆ ಶೃತಿ ಇಬ್ಬರೂ ಆಸ್ಪತ್ರೆಗೆ ಬರದೇ ತಲೆತಪ್ಪಿಸಿಕೊಂಡಿದ್ದಾರೆಂದು ಹೇಳಲಾಗಿದೆ. ಜಿಲ್ಲಾಸ್ಪತ್ರೆಯ ಎದುರು ಪ್ರತಿಭಟನೆ ಮೂಲಕ ರೂಪಾಳ ಸಂಬಂಧಿಕರು ನೋವನ್ನು, ಆಕ್ರೋಶವನ್ನು ಹೊರಹಾಕಿದ್ದಾರೆ.
