ಅನೈತಿಕ ಸಂಬಂದ ಪ್ರಶ್ನಿಸಿದ ಪತಿ ಮಟಾಷ್‌: ಪತ್ನಿಗೆ ಜೀವಾವಧಿ ಶಿಕ್ಷೆ
ಸೋಮವಾರ, 31 ಮಾರ್ಚ್ 2014 (17:37 IST)
ಅನೈತಿಕ ಸಂಬಂಧ ಪ್ರಶ್ನಿಸಿದ ಪತಿಯ ಮೇಲೆ ದೈಹಿಕ ಹಲ್ಲೆ ನಡೆಸಿದ್ದಲ್ಲದೇ ಹತ್ಯೆ ಎಸಗಿದ 45 ವರ್ಷ ವಯಸ್ಸಿನ ಮಹಿಳೆಗೆ ನ್ಯಾಯಾಲಯ ಜೀವಾವಧಿ ಶಿಕ್ಷೆ ವಿಧಿಸಿದೆ.
ಆರೋಪಿ ಮಹಿಳೆ ಗುಡ್ಡಿ ನೆರೆಮನೆಯಲ್ಲಿ ವಾಸಿಸುತ್ತಿದ್ದ ಬಿಜೇಂದರ್ ಸಿಂಗ್ ಎಂಬಾತನೊಂದಿಗೆ ಅನೈತಿಕ ಸಂಬಂಧವಿರಿಸಿಕೊಂಡಿದ್ದಳು. ಹಲವು ಬಾರಿ ಪತ್ನಿಗೆ ಬುದ್ದಿ ಮಾತು ಹೇಳಿದ್ದರೂ ಪ್ರಯೋಜನವಾಗಿರಲಿಲ್ಲ.ತನ್ನ ಚಾಳಿಯನ್ನು ಮುಂದುವರಿಸಿದ್ದಳು.
ಅನೈತಿಕ ಸಂಬಂಧಕ್ಕೆ ಪತಿ ಅಡ್ಡಿಯಾಗುತ್ತಿರುವುದನ್ನು ಸಹಿಸದ ಪತ್ನಿ ಗುಡ್ಡಿ, ಆಯುರ್ವೇದಿಕ ಚಿಕಿತ್ಸಾಲಯ ನಡೆಸುತ್ತಿದ್ದ ತನ್ನ ಪತಿ ರಾಮಚಂದರ್‌ನನ್ನು ರಾತ್ರಿ ಮಲಗಿದ್ದಾಗ ಹತ್ಯೆಗೈದಿದ್ದಳು. ಏತನ್ಮಧ್ಯೆ, ಪ್ರಿಯಕರ ಬಿಜೇಂದರ್ ಸಿಂಗ್‌ನನ್ನು ಆರೋಪಗಳಿಂದ ಮುಕ್ತವಾಗಿಸಿ ನ್ಯಾಯಾಲಯ ಆದೇಶ ಹೊರಡಿಸಿದೆ.
