ಸಂಜಯ್ ದತ್ ಪೆರೋಲ್ ನ್ನು ವಿಸ್ತರಿಸಿದ್ದಕ್ಕಾಗಿ ಮಹಾರಾಷ್ಟ್ರ ಸರಕಾರವನ್ನು ಪ್ರಶ್ನಿಸಿದ ಕೇಂದ್ರ

PR

ಸಂಜಯ್ ದತ್ ಪೆರೋಲ್ ನ್ನು ವಿಸ್ತರಿಸಿದ್ದಕ್ಕಾಗಿ ಮಹಾರಾಷ್ಟ್ರ ಸರಕಾರವನ್ನು ಪ್ರಶ್ನಿಸಿರುವ ಕೇಂದ್ರ ಈ ಕುರಿತು ಉತ್ತರಿಸುವಂತೆ ಆಗ್ರಹಿಸಿದೆ. 1993 ರ ಮುಂಬೈ ಸ್ಪೋಟಕ್ಕೆ ಸಂಬಂಧಿಸಿದಂತೆ ಜೈಲಿನಲ್ಲಿರುವ ಸಂಜಯ್ ದತ್ ಗೆ 6 ವರ್ಷಗಳ ಶಿಕ್ಷೆಯಾಗಿದೆ.

ಮಹಾರಾಷ್ಟ್ರ ಸರಕಾರಕ್ಕೆ ಪತ್ರ ಬರೆದಿರುವ ಗೃಹ ಸಚಿವಾಲಯ 54 ರ ಹರೆಯದ ಬಾಲಿವುಡ್ ನಟನಿಗೆ 9 ತಿಂಗಳಲ್ಲಿ 3 ಬಾರಿ ವಿಶೇಷ ಸವಲತ್ತು ನೀಡಿರುವುದಕ್ಕೆ ಉತ್ತರವನ್ನು ಕೇಳಿದೆ.

ಡಿಸೆಂಬರ್ 21 ರಿಂದ ಪೆರೋಲ್ ಮೇಲೆ ಹೊರಗೆ ಹೋಗಿ ಫೆಬ್ರವರಿ 21 ರಂದು ಪುಣೆಯ ಯೆರವಾಡ ​​ಜೈಲ್ ಗೆ ಮರಳಿದ್ದ ದತ್, ತನ್ನ ಪತ್ನಿ ಮಾನ್ಯತಾರ ಅನಾರೋಗ್ಯದ ಕಾರಣ ನೀಡಿ ಮಾರ್ಚ್ 21 ರವರೆಗೆ ಪೆರೋಲನ್ನು 3 ನೇ ಬಾರಿ ವಿಸ್ತರಿಸಿಕೊಂಡಿದ್ದಾರೆ.

ಮಹಾರಾಷ್ಟ್ರದ ಗೃಹ ಸಚಿವ ಆರ್ ಆರ್ ಪಾಟೀಲ್, ನಟನಿಗೆ ಜೈಲಿನಲ್ಲಿ ಮದ್ಯ ಒದಗಿಸಲಾಗುತ್ತದೆ ಎಂಬ ಆರೋಪಗಳ ಕುರಿತು ಸಹ ತನಿಖೆ ನಡೆಸುವುದಾಗಿ ಹೇಳಿದ್ದಾರೆ.