ಎರಡು ಗರ್ಭಾಶಯಗಳನ್ನು ಹೊಂದಿದ ಮಹಿಳೆಯಿಂದ ಅವಳಿ ಮಕ್ಕಳಿಗೆ ಜನ್ಮ
ಬುಧವಾರ, 4 ಡಿಸೆಂಬರ್ 2013 (15:16 IST)
PTI
ಎರಡು ಗರ್ಭಾಶಯಗಳನ್ನು ಹೊಂದಿದ ನಾಸಿಕ್ ಮೂಲದ ಮಹಿಳೆಯೊಬ್ಬಳು ಅನೇಕ ಅಡೆತಡೆಗಳ ಮಧ್ಯೆಯೂ ಅವಳಿ ಮಕ್ಕಳಿಗೆ ಜನ್ಮ ನೀಡಿದ್ದಾಳೆ.
22 ವರ್ಷ ವಯಸ್ಸಿನ ತೃಪ್ತಿ ಲೌಹಾರ್ ಎನ್ನುವ ಗರ್ಭಿಣಿ ಮಹಿಳೆಯನ್ನು ಪರೀಕ್ಷಿಸಿದ ವೈದ್ಯರಿಗೆ ಅಚ್ಚರಿ ಕಾದಿತ್ತು. ಆಕೆಗೆ ಎರಡು ಗರ್ಭಶಾಯಗಳಿದ್ದು,ಪ್ರತಿಯೊಂದು ಗರ್ಭಾಶಯದಲ್ಲಿ ಒಂದೊಂದು ಮಗು ಪತ್ತೆಯಾಗಿತ್ತು.
22 ವರ್ಷ ವಯಸ್ಸಿನ ತೃಪ್ತಿ ಎನ್ನುವ ಮಹಿಳೆ ಅವಳಿ ಮಕ್ಕಳಿಗೆ ಜನ್ಮ ನೀಡುವ ಮುನ್ನ ಒಂದು ತಿಂಗಳುಗಳ ಕಾಲ ವೈದ್ಯಕೀಯ ಪರೀಕ್ಷೆಗೊಳಪಡಿಸಲಾಗಿತ್ತು. ತಜ್ಞ ವೈದ್ಯರ ತಂಡ ನಿರಂತರವಾಗಿ ಆಕೆಯ ದೇಹಸ್ತಿತಿಯ ಮೇಲೆ ಗಮನಹರಿಸಿತ್ತು.
ವಿಶ್ವದ 100 ಮಹಿಳೆಯರು ಮಾತ್ರ ಎರಡು ಗರ್ಭಾಶಯಗಳನ್ನು ಹೊಂದಿದ್ದಾರೆ. ಆ ಗುಂಪಿನಲ್ಲಿ ಮಹಿಳೆ ಸ್ಥಾನ ಪಡೆದಿದ್ದಾಳೆ. ಅವಳಿ ಮಕ್ಕಳು ಆರೋಗ್ಯವಾಗಿದ್ದು, ವೈದ್ಯರು ನಿರಂತರವಾಗಿ ನಿಗಾವಹಿಸುತ್ತಿದ್ದಾರೆ ಎಂದು ತಿಳಿಸಿದ್ದಾರೆ.
ಎರಡು ಗರ್ಭಾಶಯಗಳನ್ನು ಹೊಂದಿರುವ ಬಗ್ಗೆ ಆ ಮಹಿಳೆಗೆ ಮಾಹಿತಿಯಿರಲಿಲ್ಲ. ವೈದ್ಯರು ಪರೀಕ್ಷೆಯ ನಂತರ ಆಕೆಗೆ ಮಾಹಿತಿ ನೀಡಲಾಯಿತು ಎಂದು ಮೂಲಗಳು ತಿಳಿಸಿವೆ.
