ಪ್ರಿಯತಮನಿಂದಲೇ ಬ್ಲ್ಯಾಕ್ಮೇಲ್: ಪೊಲೀಸ್ ಕಮಿಷನರ್‌ಗೆ ಹಾಟ್ ನಟಿ ರಾಧಾ ದೂರು
ಸೋಮವಾರ, 31 ಮಾರ್ಚ್ 2014 (19:12 IST)
ತಮಿಳು ಚಿತ್ರ ಸುಂದರಾ ಟ್ರಾವೆಲ್ಸ್‌ನಲ್ಲಿ ನಾಯಕಿಯಾಗಿದ್ದ ನಟಿ ರಾಧಾ, ತಾನು ಕಳೆದ ಐದು ವರ್ಷಗಳಿಂದ ಲಿವಿಂಗ್ ಟುಗೇದರ್ ರೀತಿಯಲ್ಲಿ ವಾಸಿಸುತ್ತಿದ್ದು, ಇದೀಗ ಮದುವೆಯಾಗುವುದಾಗಿ ವಂಚಿಸಿ ನಗ್ನ ಚಿತ್ರಗಳನ್ನು ತೆಗೆದು ಬ್ಲ್ಯಾಕ್ಮೇಲ್ ಮಾಡುತ್ತಿದ್ದಾನೆ ಎಂದು ನಗರದ ಪೊಲೀಸ್ ಆಯುಕ್ತರಿಗೆ ದೂರು ನೀಡಿದ್ದಾಳೆ.
ಪಡೆದ ಹಣವನ್ನು ವಾಪಸ್ ನೀಡುವಂತೆ ಒತ್ತಾಯಿಸಿದಾಗ ಆರೋಪಿ ಫೈಜುಲ್, ತಾನು ತೆಗೆದಿರುವ ನಗ್ನ ಚಿತ್ರಗಳನ್ನು ಇಂಟರ್‌ನೆಟ್‌ನಲ್ಲಿ ಹಾಕುವುದಾಗಿ ಬೆದರಿಕೆಯೊಡ್ಡಿದ್ದಾನೆ ಎಂದು ನಟಿ ರಾಧ ದೂರಿನಲ್ಲಿ ತಿಳಿಸಿದ್ದಾಳೆ.
ಆರೋಪಿ ಫೈಜಲ್ ವಜ್ರದ ವ್ಯಾಪಾರಿಯಂತೆ ನಟಿಸಿ ತಮಿಳು ಚಿತ್ರಗಳಲ್ಲಿ ಅವಕಾಶ ಕೊಡಿಸುವುದಾಗಿ ನಂಬಿಸಿ 10 ಲಕ್ಷ ರೂಪಾಯಿ ಪಡೆದಿದ್ದ. ಗೆಳೆತನ ನಂತರ ಪ್ರಿತಿಯತ್ತ ತಿರುಗಿ ಮದುವೆಯಾಗುವುದಗಿ ಭರವಸೆ ನೀಡಿದ್ದರಿಂದ ಐದು ವರ್ಷಗಳಿಂದ ಸಾಲಿಗ್ರಾಮ ಪ್ರದೇಶದಲ್ಲಿ ಬಾಡಿಗೆ ಮನೆ ಪಡೆದು ವಾಸವಾಗಿದ್ದೇವೆ. ನನ್ನಿಂದ ಒಟ್ಟು 20 ಲಕ್ಷ ರೂಪಾಯಿಗಳನ್ನು ಪಡೆದಿದ್ದಾನೆ. ಇದೀಗ ವ್ಯಾಪಾರದಲ್ಲಿ ನಷ್ಟವಾಗಿದ್ದರಿಂದ ಹಣ ವಾಪಸ್ ಕೊಡಲು ಸಾಧ್ಯವಿಲ್ಲ. ಹಣ ಕೇಳಿದಲ್ಲಿ ನನ್ನ ನಗ್ನ ಚಿತ್ರಗಳನ್ನು ಚಿತ್ರಿಸಿಕೊಂಡು ಇಂಟರ್‌ನೆಟ್‌ಗೆ ಹಾಕುವುದಾಗಿ ಬೆದರಿಕೆ ಹಾಕುತ್ತಿದ್ದಾನೆ ಎಂದು ಆರೋಪಿಸಿದ್ದಾಳೆ.
