ಶನಿವಾರ ಸಂಜೆ, ದಕ್ಷಿಣ ಅನಂತನಾಗ್ ಜಿಲ್ಲೆಯ ಬಟ್ಗುಂದದಲ್ಲಿ ಖಾಸಗಿ ಶಾಳೆಯೊಂದಕ್ಕೆ ಬೆಂಕಿ ಹಚ್ಚಲಾಗಿದ್ದು, ಪೀಠೋಪಕರಣಗಳೆಲ್ಲ ಸುಟ್ಟು ಬೂದಿಯಾಗಿದೆ. ಇದು ದುಷ್ಕರ್ಮಿಗಳ ಅಟ್ಟಹಾಸಕ್ಕೆ ತುತ್ತಾದ 25ನೇ ಶಾಲೆಯಾಗಿದೆ ಎಂದು ರಾಜ್ಯ ಶಿಕ್ಷಣ ಸಂಸ್ಥೆ ಅಧಿಕಾರಿಗಳು ತಿಳಿಸಿದ್ದಾರೆ.
ಅಧಿಕಾರಿಗಳು ಹೇಳುವ ಪ್ರಕಾರ ಇಲ್ಲಿಯವರೆಗೆ 25 ಶಾಲೆಗಳನ್ನು ಗುರಿಯಾಗಿಸಲಾಗಿದೆ. ಅದರಲ್ಲಿ ಕುಲ್ಗಾಮ್ ಜಿಲ್ಲೆಯೊಂದರಲ್ಲಿಯೇ 7 ಶಾಲೆಗಳು ಬೆಂಕಿಗಾಹುತಿಯಾಗಿವೆ. ಬುಡ್ಗಾಮ್‌ನಲ್ಲಿ ನಾಲ್ಕು, ಬಾರಾಮುಲ್ಲಾದಲ್ಲಿ ಮೂರು, ಶೊಪಿಯಾನ್, ಬಂಡಿಪೊರ್, ಗಂದೇರ್ಬಾಲ್, ಅನಂತ್ ನಾಗ್ ಜಿಲ್ಲೆದಗಳಲ್ಲಿ ತಲಾ ಎರಡು,ಮತ್ತು ಪುಲ್ವಾಮಾ, ಕುಪ್ವಾರಾ, ಶ್ರೀನಗರಗಳಲ್ಲಿ ತಲಾ ಒಂದು ಶಾಲೆಗಳು ದುಷ್ಕರ್ಮಿಗಳ ದಾಹಕ್ಕೆ ಬಲಿಯಾಗಿವೆ. ಅದರಲ್ಲಿ 11 ಶಾಲೆಗಳು ಸಂಪೂರ್ಣವಾಗಿ ಸುಟ್ಟು ಹೋಗಿದ್ದರೆ ಮತ್ತೆ 14 ಭಾಗಶಃ ಹಾನಿಗೊಳಗಾಗಿವೆ.
